Apłatu prajezdu bankaŭskimi kartkami ŭ tramvajach 6-ha maršrutu admieniać
Pra heta paviedamiŭ Minsk-navinam namieśnik hałoŭnaha inžyniera Minsktransa Michaił Sładzinski.
— My chacieli zrabić heta z 4 lutaha, u takim vypadku papiaredzili b pasažyraŭ zahadzia, — tłumačyć jon. — Ale akazałasia, što adklučyć funkcyju apłaty bankaŭskimi kartkami jašče składaniej, čym padklučyć: šmat techničnych i jurydyčnych niuansaŭ. Dla hetaha spatrebicca jak minimum tydzień. Paviedamim paźniej.
Jon taksama raspavioŭ, u suviazi z čym było pryniata rašeńnie pajści na taki niepapularny, z punktu hledžańnia pasažyraŭ, krok:
— Hałoŭnaja pryčyna ŭ niezdavalniajučych vynikach pa finansavaj spravazdačnaści, jakaja tyčycca paćvierdžańnia kolkaści pasažyraŭ, jakija skarystalisia hetaj pasłuhaj. Za siem miesiacaŭ pracy sistemy ŭ našaha pradpryjemstva i banka nie syšlisia ličby. Sam fakt, što ličby nie sychodziacca, nie moža nie turbavać. Bo havorka idzie nie pra adnaho-dvuch pasažyraŭ, a pra dziasiatki i sotni. A heta hrošy.
Praca sistemy nie adnovicca, pakul nie źjavicca niejki miechanizm kantrolu za hetaj statystykaj, umoŭny ličylnik, jaki pakazvaje, što ŭ nas stolki pasažyraŭ, za jakich my pavinny atrymać peŭnuju sumu. A pry isnujučym stanie rečaŭ da nas mohuć uźniknuć pytańni i z boku orhanaŭ kantrolu.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary