Ab hetym kiraŭnik dziaržavy zajaviŭ na sustrečy z prezidentam JEBRR, piša BiełTA.
«Na vialiki žal, vy vyrašyli skončyć svoj pieryjad kiraŭnictva bankam. Ja jašče raz padkreślivaju: vielmi škada, — adznačyŭ A. Łukašenka, vitajučy kiraŭnika banka. — Tym nie mienš, žyćcio jość žyćcio, jano na hetym nie zakančajecca. Budzie vielmi pravilna, kali ja ad biełaruskaha naroda vam padziakuju za ŭsio, što było zroblena bankam u Biełarusi».
Za hady supracoŭnictva JEBRR inviestavaŭ u krainu 3 młrd jeŭra. Tolki za minuły hod abjom inviestycyj skłaŭ kala 40 młn jeŭra.
«My čyścili vadu, uciaplali chaty, budavali samyja sučasnyja darohi za hetyja hrošy. Heta źviazana z vašym imiem, i ja tut ničoha nie pierabolšvaju», — padkreśliŭ Alaksandr Łukašenka i z dolaj humaru praciahnuŭ, što «treba adnu z daroh nazvać Čakrabarci, bo najlepšyja darohi pabudavanyja z padtrymkaj banka».
Suma Čakrabarci ŭstupiŭ na pasadu prezidenta JEBRR ŭ 2012 hodzie, u 2016-m byŭ pieraabrany na hetuju pasadu jašče na čatyry hady. Pakolki jon nie płanuje pieraabiracca jašče raz, u lipieni 2020 hoda termin jaho paŭnamoctvaŭ zakančvajecca.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik52
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary