Oskar-2020: tryumf karejskich «Parazitaŭ» — pieramoha ŭ 4 hałoŭnych naminacyjach (najlepšy film), najlepšy akcior — Fieniks
«Parazity» atrymali «Oskara» jak najlepšy film, najlepšy film na zamiežnaj movie, za najlepšy aryhinalny scenar. A Pon Džun-cho pieramoh i jak najlepšy režysior. Najlepšy akcior — Chaakin Fieniks («Džokier»), aktrysa — Renie Ziełviehier («Džudzi»).
U Łos-Andželesie hetaj nočču prajšła 92-ja cyrymonija ŭručeńnia hałoŭnaj kinapremii śvietu — Oskar. Sioleta bolš za ŭsio naminacyj u filma «Džokier» — 11. U karcin «1917» i «Adnojčy ŭ … Halivudzie» — pa 10.
Najlepšy film — «Parazity» Pon Džun-cho.
«Parazity» — pieršy film nie na anhlijskaj movie, jaki atrymaŭ «Oskar». Za zvańnie najlepšaha filma hoda taksama zmahalisia «1917» Sema Miendesa, «Irłandziec» Marcina Skarseze, «Trusik Džodžo» Tajka Vajcici, «Adnojčy ŭ … Halivudzie» Kviencina Tarancina, «Šlubnaja historyja» Noja Baumbacha, «Džokier» Toda Filipsa, «Ford suprać Ferrari» Džejmsa Menhołda i «Maleńkija žančyny» Hrety Hiervih.
Siužet «Parazitaŭ» pabudavany vakoł historyi ab sacyjalnaj niaroŭnaści. Karcina raspaviadaje pra biednuju siamju, jakaja ŭładkoŭvajecca na pracu da bahataj. Pry hetym pracadaŭcy nie viedajuć, što ich prysłuha, kiroŭca i nastaŭniki ich dziaciej — svajaki.
Paŭdniovakarejski film atrymaŭ «Załatuju palmavuju halinu» na Kanskim kinafiestyvali ŭ 2019 hodzie i premiju Hildyi kinaakcioraŭ ZŠA za najlepšy akciorski skład. «Parazity» taksama pieramahli ŭ naminacyjach «Najlepšy aryhinalny scenar» i «Najlepšy nieanhłamoŭny film», atrymaŭšy premiju Brytanskaj akademii (BAFTA). Akramia taho, karcina była ŭdastojena «Załatoha hłobusa» jak najlepšy zamiežny film, a Nacyjanalnaje hramadstva kinakrytykaŭ ZŠA nazvała jaje lepšym filmam 2019 hoda.
Najlepšaja žanočaja rola — Rene Ziełviehier («Džudzi»).
Na ŭznaharodu ŭ hetaj katehoryi taksama pretendavali Sirša Ronan («Maleńkija žančyny»), Skarlet Jochansan («Šlubnaja historyja»), Sincija Eryva («Haryjet») i Šarliz Teran («Skandał»).
U karcinie režysiora Rupierta Hułda Ziełviehier syhrała amierykanskuju śpiavačku i aktrysu Džudzi Harlend. Siužet «Džudzi» častkova zasnavany na pjesie «Kaniec viasiołki» Pitera Kiłtara. Dziejańnie filma adbyvajecca ŭ kancy 60-ch hadoŭ, praz 30 hadoŭ paśla vychadu karciny «Čaraŭnik krainy Oz», jakaja zrabiła Harlend znakamitaj.
Najlepšy akcior — Chaakin Fieniks («Džokier»).
Za ŭznaharodu taksama zmahalisia Adam Drajvier («Šlubnaja historyja»), Leanarda Dzi Kaprya («Adnojčy ŭ … Halivudzie»), Džonatan Prajs («Dva Papy») i Antonia Banderas («Bol i słava»).
Najlepšy režysior — Pon Džun-cho («Parazity»).
Za pieramohu ŭ naminacyi taksama zmahalisia Marcin Skarseze («Irłandziec»), Tod Filips («Džokier»), Sem Mendes («1917»), Kviencin Tarancina («Adnojčy ŭ … Halivudzie»).
Stužku «Parazity» taksama pryznali najlepšym zamiežnym filmam. Akramia hetaha, karcina atrymała premiju ŭ katehoryi «Najlepšy aryhinalny scenar».
Najlepšy saŭndtrek — Childur Hudnadoŭcir, što napisała muzyku da «Džokiera». Jana, darečy, napisała saŭndtrek da sieryjała «Čarnobyl».
Premiju «Oskar» u naminacyi «Najlepšy film na zamiežnaj movie» atrymała karcina «Parazity» paŭdniovakarejskaha režysiora Pona Džun-cho. U hetaj naminacyi taksama było «Božaje cieła» polskaha režysiora Jana Komasa
U naminacyi «Najlepšy akcior druhoha płana» pieramoh Bred Pit, jaki syhraŭ u karcinie «Adnojčy ŭ … Halivudzie» Tarancina. Za ŭznaharodu ź im zmahalisia Tom Chenks («Cudoŭny dzień pa susiedstvie»), Entani Chopkins («Dva Papy»), Al Pačyna («Irłandziec»), Džo Piešy («Irłandziec»).
Najlepšaj aktrysaj druhoha płana stała Łora Dern, jakaja syhrała ŭ karcinie «Šlubnaja historyja».
Najlepšy mantaž — Majkł Makkaskier i Endru Baklend, «Ford suprać Ferrari».
Najlepšyja vizualnyja efiekty — «1917».
«Najlepšy mastak-pastanoŭščyk» — «Adnojčy ŭ … Halivudzie».
Najlepšym multfilmam pryznana «Historyja cacak 4», hałoŭnaj karotkamietražnaj animacyjnaj pracaj hoda nazvana «Luboŭ da vałasoŭ».
«Najlepšy adaptavany scenar» — Tajka Vajcici (Trusik Džodža»), «Najlepšy aryhinalny scenar» — «Parazity» Pona Džun-cho i Chana Džyn-vona.
Najlepšym dakumientalnym filmam stała «Amierykanskaja fabryka», najlepšym karotkamietražnym dakumientalnym filmam — «Navučycca katacca na skiejtbordzie ŭ zonie bajavych dziejańniaŭ (kali ty dziaŭčynka)».
«Najlepšy huk» — «1917».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary