Łukašenka dazvoliŭ nie vadzić dziaciej u škołu i paraiŭ ludziam siadzieć doma ŭ samaizalacyi
Na naradzie pa karanavirusie Alaksandr Łukašenka vystupiŭ suprać karancinu ŭ škołach i pieranosu kanikuł, paviedamlaje pres-słužba.
Ale «kali baćki bajacca — nie adpraŭlajcie dziaciej u škołu, my nie zabaraniajem», — źviarnuŭ uvahu kiraŭnik dziaržavy.
Na jaho dumku, kali ŭ škołach abviaścić kanikuły, heta tolki abvostryć abstanoŭku, bo dzieci, jakija mohuć pieranosić karanavirus (ich imunitet spraŭlajecca ź infiekcyjaj), pajeduć da babul. A pažyłyja ludzi, naadvarot, znachodziacca ŭ hrupie ryzyki.
«My ž zahubim starych! Tamu nie treba ničoha rabić. Skazana z 30 sakavika kanikuły — budzie z 30-ha. U nas što, u škołach prablemy? Niama prablem. A kali my jašče navučym dziaciej, baćkoŭ, nastaŭnikaŭ, techničak svoječasova myć ruki i dezynfikavać, masku nadziavać, naohuł budzie dobra. Hramadstva ŭžo pačało da hetaha pryvykać. Navošta my robim usiakija niepatrebnyja dziejańni tam, dzie ŭ ich niama nieabchodnaści», — skazaŭ kiraŭnik dziaržavy.
Biełaruskim hramadzianam taksama rekamiendujecca pry mahčymaści pabyć u samaizalacyi, dadaŭ Łukašenka.
«Ludziam treba raić, kab jany zastavalisia doma. Treba mabilizavać našy sacyjalnyja słužby, kab dapamahali starym, u jakich dziaciej niama, jakim nichto dapamahčy nie moža. Treba ich zaraz apiekavać. My musim zrabić usio, kab jany zmahli vyjści z hetaj siezonnaj prablemy biez strat», — padkreśliŭ kiraŭnik krainy.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary