Premjer-ministr Brytanii Borys Džonsan abviaściŭ pra surjoznyja abmiežavańni, jakija ŭvodziacca ŭ Brytanii ŭ suviazi z epidemijaj karanavirusa, paviedamlaje BBC.
Pa słovach Džonsana, z hetaha času brytancy abaviazanyja znachodzicca doma, vychodziačy na vulicu tolki ŭ krajnich i dakładna abumoŭlenych vypadkach.
Pačynajučy ź viečara paniadziełka vychodzić z domu budzie dazvolena tolki dla pakupak za tavarami pieršaj nieabchodnaści, fizičnych praktykavańniaŭ (nie čaściej čym raz na dzień i ŭ adzinocie abo razam z členami siamji), pa miedycynskaj nieabchodnaści abo dla pajezdak na pracu, jakaja pryznanaja žyćciova nieabchodnaj.
Kramy, za vyklučeńniem tych, dzie pradajucca pradmiety pieršaj nieabchodnaści, buduć začynienyja. Zabaraniajucca taksama lubyja hramadskija schody ŭ kolkaści bolš za dvuch čałaviek.
Palicyi dadzieny ŭkazańni štrafavać tych, chto nie budzie vykonvać hetyja praviły, a taksama razhaniać schody ludziej.
Kamientary