Niderłandy taksama nie vytrymali. Adny z apošnich uvodziać najstražejšy karancin
U paniadziełak, 23 sakavika, urad Niderłandaŭ uvioŭ šerah novych mier baraćby z karanavirusam, u tym liku zabaronu na hramadskija schody da 1 červienia. Pra heta paviedamlaje «Jeŭrapiejskaja praŭda» sa spasyłkaj na DutchNews.nl.
Vyklučeńniem z novaha praviła źjaŭlajucca pachavańni i carkoŭnyja viasielli. Ludzi pavinny zastavacca doma, mieć mahčymaść pracavać, rabić pakupki ci dahladać uraźlivych ludziej pry patrebie. Dapuskajecca špacyr, ale nie ŭ hrupie i na adlehłaści 1,5 mietra ad inšych.
Kali adzin z členaŭ siamji zachvareŭ, usia siamja pavinna zastavacca doma, za vyklučeńniem tych asob, chto pracuje ŭ žyćciova važnych miescach.
Kramy i kampanii hramadskaha transpartu pavinny pryniać miery, kab ludzi mieli mahčymaść znachodzicca 1,5 mietra adno ad adnaho. Kampanii, jakija nie vykanajuć pradpisańnia, mohuć być aštrafavany na 4000 jeŭra. Pasłuhi, jakija praduhledžvajuć niepasredny kantakt ź inšymi ludźmi — cyrulnia i manikiur, — nie dastupnyja da 6 krasavika.
Mery haradoŭ majuć prava zakryvać miescy, dzie ludzi źbirajucca ŭ vialikija hrupy, takija jak parki i plažy.
Niesumlennyja hramadzianie mohuć atrymać štraf na €400. Raniej u Niderłandach užo začynilisia škoły i dziciačyja sadki dla bolšaści dziaciej, kafe, restarany i spartyŭnyja centry. U toj ža čas škoły i dziciačyja sadki pracujuć dla dziaciej miedycynskich rabotnikaŭ, rabotnikaŭ hramadskaha transpartu i chutkaj dapamohi, kab jany mahli praciahvać pracavać.
Kamientary