Aktyvistu Alaksandru Barazienku, fihurantu «spravy 14‑ci», siońnia vynieśli druhoje papiaredžańnie.
Jaho vyklikali da načalnika kryminalna‑vykanaŭčaj inspekcyi Frunzienskaha RUUSa Miensku Natalli Nikicienki. Taja skazała, što papiaredžańnie vynosicca za parušeńnie režymu, źviazanaha z vyniesienym jamu pakarańniem.
U interviju karespandentu «Svabody» Alaksandar patłumačyŭ, što ŭčora pozna ŭviečary milicyjant, jaki pryjšoŭ na kvateru, advioz jaho na medyčnuju ekspertyzu, kab udakładnić fakty spažyvańnia alkaholu.
«Kali ja tłumačyŭ, što ja zaraz užyvaju leki, jakija ŭtrymlivajuć śpirt, heta nie prymałasia pad uvahu. Advieźli, zafiksavali nievialičkuju dolu alkaholu — zdajecca, 0,1 pramile. I siońnia byŭ składzieny jašče adzin pratakoł i było vyniesiena jašče adno papiaredžańnie».
Alaksandar taksama skazaŭ, što robić zachady ŭ suviazi sa źbićciom jaho milicyjantam 23 sakavika. Siońnia ŭ inspekcyi ad chłopca zapatrabavali napisać piśmovuju zajavu nakont hetaha źbićcia. Adpaviednuju skarhu Alaksandar Barazienka nakiruje taksama i ŭ prakuraturu.
Nahadajem, za ŭdzieł u akcyi pratestu pradprymalnikaŭ chłopcu prysudzili adzin hod abmiežavańnia voli, i ciapier jon moža znachodzicca tolki doma abo na pracy.
Kamientary