Актывісту Аляксандру Баразенку, фігуранту «справы 14‑ці», сёньня вынесьлі другое папярэджаньне.
Яго выклікалі да начальніка крымінальна‑выканаўчай інспэкцыі Фрунзенскага РУУСа Менску Натальлі Нікіценкі. Тая сказала, што папярэджаньне выносіцца за парушэньне рэжыму, зьвязанага з вынесеным яму пакараньнем.
У інтэрвію карэспандэнту «Свабоды» Аляксандар патлумачыў, што ўчора позна ўвечары міліцыянт, які прыйшоў на кватэру, адвёз яго на мэдычную экспэртызу, каб удакладніць факты спажываньня алькаголю.
«Калі я тлумачыў, што я зараз ужываю лекі, якія ўтрымліваюць сьпірт, гэта не прымалася пад увагу. Адвезьлі, зафіксавалі невялічкую долю алькаголю — здаецца, 0,1 праміле. І сёньня быў складзены яшчэ адзін пратакол і было вынесена яшчэ адно папярэджаньне».
Аляксандар таксама сказаў, што робіць захады ў сувязі са зьбіцьцём яго міліцыянтам 23 сакавіка. Сёньня ў інспэкцыі ад хлопца запатрабавалі напісаць пісьмовую заяву наконт гэтага зьбіцьця. Адпаведную скаргу Аляксандар Баразенка накіруе таксама і ў пракуратуру.
Нагадаем, за ўдзел у акцыі пратэсту прадпрымальнікаў хлопцу прысудзілі адзін год абмежаваньня волі, і цяпер ён можа знаходзіцца толькі дома або на працы.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары