Čakajecca, što ŭ najbližejšy čas projduć biełaruska‑rasijskija pieramovy ab umovach tranślacyi rasijskich telekanałaŭ na terytoryi Biełarusi.
Čakajecca, što ŭ najbližejšy čas projduć biełaruska‑rasijskija pieramovy ab umovach tranślacyi rasijskich telekanałaŭ na terytoryi Biełarusi. Pra heta BiełaPAN paviedamili ŭ pasolstvie Rasii ŭ Minsku.
Nahadajem, z 1 krasavika pa rašeńni biełaruskaha Telekamunikacyjnaha halinovaha sajuza (THS) u Biełarusi spyniena viaščańnie piaci rasijskich telekanałaŭ — «Piervyj kanał. Vsiemirnaja sieť», «RTR‑Płanieta», «NTV‑Mir», «Rien TV», TVCI.
«Sprava ab adklučeńni telekanałaŭ — tema vuzkaśpiecyjalnaja. Heta sprava nie dypłamataŭ, tut pavinny pracavać śpiecyjalisty ministerstvaŭ infarmacyi dźviuch krain. Nakolki ja razumieju, damoŭlenaść ab takich pieramovach dasiahnuta», — skazaŭ supracoŭnik rasijskaha pasolstva.
Pavodle jaho słoŭ,
u Rasii nie vyklučajuć ideałahičnaj padaploki ŭ rašeńni biełaruskaha boku adklučyć telekanały.
«Rasijski bok robić takuju vysnovu z faktaŭ, jakija va ŭsich pierad vačami, — zaznačyŭ supracoŭnik pasolstva. — Rasijskija telekanały zamianili na rasijskija ž telekanały, tolki zamianili infarmacyjna‑analityčnyja na infarmacyjna‑zabaŭlalnyja. Naprykład, «Rośsija. Viesti 24 časa» kruhłasutačna honiać fakty, biez analityki. A na takich kanałach, jak «NTV‑Mir» i «RTR‑Płanieta», analityčnyja aŭtarskija prahramy niejkija prysutničali».
Raniej u intervju BiełaPAN pamočnik ministra infarmacyi Biełarusi Viktar Kazłoŭ zajaviŭ,
što pamiž krainami nie ŭrehulavana pytańnie pravavych adnosinaŭ u śfiery elektronnych ŚMI.
Pavodle jaho słoŭ, letaś Ministerstva infarmacyi Biełarusi nakiroŭvała svaje prapanovy nakont hetaha rasijskim kaleham, ale rasijski bok jany nie zadavolili.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik41
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu77
Kamientary