Vielikodnaje pasłańnie ajca Alaksandra Nadsana.
Vielikodnaje pasłańnie ajca Alaksandra Nadsana.
Śviaty apostał Maćviej raskazvaje, jak paśla ŭvaskrasieńnia Chrystovaha tyja, što byli najbolš vinavatyja ŭ Jahonaj kryžovaj śmierci, chacieli schavać pierad ludziami Jahonaje ŭvaskrasieńnie i, «paraiŭšysia, dali žaŭnieram (što ścierahli mahiłu Chrysta) šmat hrošaj i skazali: 'Kažycie tak: Jahonyja vučni pryjšli ŭnočy i ŭkrali Jaho, kali my spali' »(Mc 28:12‑13).
Možna skazać, što heta byŭ prykład sproby abmiežavańnia svabody srodkaŭ masavaj infarmacyi, pra što tak časta davodzicca čuć u našyja dni. I heta zusim zrazumieła, bo kožny aŭtarytarny režym, jaki žadaje mieć poŭny kantrol nad svaimi paduładnymi, baicca praŭdy i tamu ŭvodzić cenzuru na viestki, jakija padajucca da ahulnaha viedama. Chrystos skazaŭ: «Praŭda vas zrobić svabodnymi»(Jan 8:32).
Nasamreč svaboda — heta pieradusim mahčymaść volnaha i śviadomaha vybaru, zroblenaha ź viedańniem mety, srodkaŭ i nastupstvaŭ.Dla lepšaha razumieńnia Chrystos pryvodzić taki prykład: «Chto z vas, žadajučy zbudavać viežu, nie siadzie pierš i nie paličyć vydatkaŭ, ci maje dastatkova dla zaviaršeńnia pracy?» (Łk 14:28). Inšymi słovami, sapraŭdnaja svaboda i praŭda nieraździelnyja: inakš heta budzie svaboda čałavieka, jakomu zaviazali vočy i skazali, što jon volny iści, kudy choča.
Siońniašni dzień dla nas asabliva darahi i radasny. Siońnia my ŭspaminajem, jak Toj, chto skazaŭ pra siabie «Ja — daroha, i praŭda, i žyćcio» (Jan 14:6), svaim ustańniem ź miortvych paśla pakutaŭ pratarnavaŭ nam darohu da paznańnia adzinaj i apošniaj Praŭdy — Boha, jaki źjaŭlajecca krynicaju i Metaju žyćcia.
Jak śpiavajecca u Vielikodnaj pieśni: «Chrystos uvaskros ź miortvych, śmierciu śmierć zvajavaŭ i tym, što ŭ mahiłach, žyćcio daravaŭ».
Dyk budziem radavacca razam z uvaskrosłym Chrystom!
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary