Siońnia kiraŭnictva Partyi BNF atrymała list z ŽESu Savieckaha rajonu stalicy z patrabavańniem pakinuć pamiaškańnie na Mašerava (Varvašeni) da 8 lipienia.
Siońnia kiraŭnictva Partyi BNF atrymała list z ŽESu Savieckaha rajonu stalicy z patrabavańniem pakinuć pamiaškańnie na Mašerava (Varvašeni), 8 da 8 lipienia. Sprava ŭ tym, što arhanizacyja maje zapazyčanaść u pamiery 6381396 rubloŭ, i sistematyčna parušaje ŭmovy damovy.
Staršynia Partyi BNF Lavon Barščeŭski kaža, pavodle prysłanych papieraŭ vychodzić, što arhanizacyja nie zapłaciła arendu za ofis za adzin ź miesiacaŭ. «Nu niejak tak atrymałasia. My zapłacim hetyja hrošy, nie prablema. Adnak u liście havorycca, što damova nie budzie praciahnutaja navat u vypadku vypłaty doŭhu. Heta padobna na palityčny zakaz, asabliva ŭ kantekście z kanfiskacyjaj majomaści ŭ Ruchu za Svabodu. Takaja voś palityka libieralizacyi», — kaža Ł.Barščeŭski.
Ad krasavika 2008 hodu, paśla taho, jak ceny na arendy ofisaŭ dla hramadskich abjadnańniaŭ byli pavyšanyja amal u dziesiać razoŭ, Partyja BNF płacić za minskaje pamiaškańnie blizu 2800 jeŭra ŭ miesiac. «Heta vializnyja hrošy, jany dajucca nam vielmi ciažka», — havoryć lider BNF.
Ciapier partyja źbirajecca vyśvietlić, jakija zapazyčanaści jana maje. «Naturalna, my hetyja hrošy buduć pieraviedzienyja. Budziem hladzieć, što dalej. Treba kryčać, što ŭ kamunalnikaŭ niama nijakich padstavaŭ vysialać nas ź Siadziby», — padsumoŭvaje Ł.Barščeŭski.
Siadziba Partyi BNF znachodzicca pa adrasie Varvašeni, 8 ad 1992 h. Za hety čas u pamiaškańni prajšło mnostva imprezaŭ, prezientacyj, kancertaŭ, pres‑kanfierencyj. Tam prachodzili navat źjezdy palityčnych partyj. BNF niekalki razoŭ užo sprabavali vysielić, ale pamiaškańnie ŭvieś čas udavałasia adstajać.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki8
Kamientary