Staršynia parłamienckaha kamiteta pa jeŭrapiejskich spravach Hiedyminas Kirkiłas i lidar apazicyi kansiervatar Habryelus Łandśbierhis [unuk staršyni Viarchoŭnaha savieta ŭ pačatku 1990-ch Vitaŭtasa Łandśbierhisa] prapanujuć uvieści nacyjanalnyja sankcyi ŭ dačynieńni da pradstaŭnikoŭ uładaŭ Biełarusi z-za represij suprać apazicyi i ŚMI, piša Delfi.
Parłamientaryi zaklikali ŭrad zabaranić ujezd u Litvu adkaznym za represii asobam.
«Prosim inicyjavać pracedury, nieabchodnyja dla vyznačeńnia asob, adkaznych za pieraśled biełaruskaj demakratyčnaj apazicyi, niezaležnych ŚMI i aktyvistaŭ hramadzianskaj supolnaści i za arhanizacyju represij suprać ich, a zatym unieści ich [adkaznych asob] u śpis asob, jakim zabaronieny ŭjezd u Litoŭskuju Respubliku», — napisana ŭ liście parłamientaryjaŭ, jakoje skiravali da ministraŭ zamiežnych spraŭ i ŭnutranych spraŭ.
Parłamientaryi ličać, što takim krokam «Litva nie tolki palityčnymi zajavami, ale i kankretnymi dziejańniami mahła b prademanstravać žycharam Biełarusi i ŭsioj mižnarodnaj supolnaści svaju jasnuju pazicyju, što nielha prajaŭlać talerantnaść da parušeńniaŭ pravoŭ čałavieka».
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary