Stali viadomyja imiony dvuch demanstrantaŭ, na jakich zaviali kryminalnyja spravy za sutyčki z AMAPam
Adzin z prałukašenkaŭskich telehram-kanałaŭ apublikavaŭ imiony i daty naradžeńnia 48 čałaviek, zatrymanych u Minsku padčas akcyj salidarnaści. Na bolšaść ź ich składzienyja pratakoły za «niepadparadkavańnie zakonnamu patrabavańniu» albo «parušeńnie paradku praviadzieńnia masavych mierapryjemstvaŭ». Adnak u śpisie zhadvajucca i dva čałavieki, na jakich zaviali kryminalnyja spravy.
31-hadovy Anton Šumaŭ — toj samy chłopiec, što pasprabavaŭ umiašacca ŭ zatrymańnie mirnaha demanstranta ŭ restaranie KFC. Jon pabieh da hrupy amapaŭcaŭ, ale navat nie paśpieŭ uziać udzieł u kanflikcie — jaho skrucili adrazu.
Spačatku Šumava aštrafavali na 945 rubloŭ, a paśla jašče i zaviali kryminalnuju spravu pa artykule 364 («Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ»). Mahčymaje pakarańnie — ad aryštu da pazbaŭleńnia svabody na termin da 6 hadoŭ.
Jaho siastra Śviatłana Iharaŭna Šumava abvieściła zbor hrošaj na advakata. Rachunak možna papoŭnić biez kamisii praz ARIP: Bankaŭskija, finansavyja pasłuhi — Banki, NKFA — Alfa-Bank — Papaŭnieńnie rachunka — BY35ALFA30144599360010270000.
Kali zastanucca hrošy, Śviatłana Šumava abiacaje addać ich pravaabaroncam.
Aproč taho, zaviedziena sprava pa artykule 342 — za «aktyŭny ŭdzieł u dziejańniach, jakija hruba parušajuć hramadski paradak». Jaje fihurant — 20-hadovy Uładzimir Chamičkoŭ. Na staroncy «UKantakcie» paznačana, što jon student MIU. Padrabiaznaści jaho zatrymańnia pakul nieviadomyja.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY26
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary