Čempijon śvietu pa tajskim boksie pryčyniŭ cialesnyja paškodžańni milicyjanieram na Płoščy ŭ Maładziečnie
Biełaruski bajec MMA Alaksiej Kudzin, šmatrazovy čempijon śvietu pa tajskim boksie, byŭ zatrymany padčas akcyj pratestu ŭ Maładziečnie. U efiry STB jon raskazaŭ akaličnaści taho zdareńnia.
«10-ha čysła ŭ internecie i naohuł pa čutkach kazali, što budzie źbiracca niejkaja akcyja na našaj płoščy. I ja pajšoŭ tudy jak zvyčajny raziavaka pahladzieć, što budzie adbyvacca na samoj spravie. Mnie było cikava.
Kali apynuŭsia tam, atrymałasia takaja situacyja, što ja, nie chacieŭšy taho, pryčyniŭ cialesnyja paškodžańni supracoŭnikam unutranych spraŭ.
U čym mocna raskajvajusia, tamu što ja vykarystaŭ svaje navyki adzinaborca, bo ja 21 hod zajmajusia adzinaborstvami».
Raniej paviedamlałasia, što Kudzin znachodzicca ŭ statusie abvinavačanaha. Siłaviki ličać, što jon źbiŭ supracoŭnika milicyi.
Ciapier čytajuć
U Francyi ad śpioki zahinuŭ dalnabojščyk z Dokšycaŭ12
Kamientary