Žyllovaja nieruchomaść na druhasnym rynku Minska pačała płaŭna tańnieć jašče vosieńniu minułaha hoda. Z druhoj pałovy studzienia druhasny rynak žylla trapiŭ u zonu nulavoha popytu i maksimalnaj prapanovy.Pavodle infarmacyi internet‑partałaŭ, tady kolkaść prapanoŭ žyllovych abjektaŭ na prodaž u Minsku pavialičyłasia da 9,5 tysiačy kvater.
Pavodle infarmacyi ekśpiertaŭ rynku nieruchomasci, za dva pieršyja miesiacy hoda siarednija ceny na druhasnyja kvatery stalicy znizilisia prykładna na 12—13 pracentaŭ, a voś za sakavik žyllo na druhasnym rynku patańnieła adrazu na 8,5 pracenta. U krasaviku tendencyja na patańnieńnie kvater praciahvajecca. Zhodna sa statystykaj infarmacyjnaha katałoha, chutkaść patańnieńnia kvater składaje ciapier ad 25 da 30 dalaraŭ za kvadratny mietr žyłych pamiaškańniaŭ štotydniova.
Siońnia siaredni košt kvadratnaha mietra prapanujemych na prodaž adna‑ i dvuchpakajovych kvater składaje 1500—1550 dalaraŭ.
Miž inšym, pa takim užo zavyšanym košcie kvatery pakupniki ŭžo nie biaruć. Pry realnym prodažy žyllo nabyvajecca tolki tady, kali kvadratny mietr ahulnaj płoščy kvater pradaŭcy znižajuć da 1300—1400 dalaraŭ.
Siońnia ŭ stalicy źjavilisia nie vielmi jakasnyja adnapakajoŭki ŭ Zavodskim rajonie i Šabanach pa startavym košcie 38—39 tysiač dalaraŭ.Hałoŭnym čynam, havorka idzie ab kvaterach na pieršych ci apošnich pavierchach z ahulnaj płoščaj 31—33 kvadratnyja mietry. Bieź vialikich prablem ciapier možna adšukać standartnyja adnapakajoŭki i ŭ dzieviacipaviarchovych damach koštam da 45 tysiač dalaraŭ. U ahienctvach nieruchomasci źjaviłasia šmat prapanoŭ i pa tannych dvuchpakajovych kvaterach. Nievialikija «chruščoŭki» ŭ starych piacipaviarchovych damach ahulnaj płoščaj da 44—46 kvadratnych mietraŭ prapanujucca ciapier ad 50 da 55 tysiač dalaraŭ.
Najbolš śmiełyja analityki Biełaruskaj asacyjacyi «Nieruchomaść» upeŭnienyja, što nastupstvy suśvietnaha finansavaha kryzisu i darahija žyllovyja kredyty buduć spryjać dalejšamu patańnieńniu staličnaha žylla.
Pavodle ich prahnozaŭ, užo ŭ lipieni‑žniŭni kvadratny mietr starych dvuchpakajovych i trochpakajovych «chruščovak» budzie kaštavać nie bolš za tysiaču dalaraŭ.
Ciapier čytajuć
U Francyi ad śpioki zahinuŭ dalnabojščyk z Dokšycaŭ12
Kamientary