Ruchavikom haspadarki ŭrad pastanaviŭ zrabić budaŭnictva, u jakoje dziaržava nakiroŭvaje hihanckija inviestycyi.
Ruchavikom haspadarki ŭrad pastanaviŭ zrabić budaŭnictva, u jakoje dziaržava nakiroŭvaje hihanckija inviestycyi.
Sustreča ministra ekanomiki Mikałaja Zajčanki z presaj, pryśviečanaja vynikam sacyjalna-ekanamičnaha raźvićcia ŭ pieršym kvartale 2009 hodu, adbyłasia z druhoj sproby. Tamu ŭ aŭtorak u Nacyjanalnym pres-centry naziraŭsia anšłah, prysutničała navat Łatvijskaje telebačańnie. Z samaha pačatku sustrečy Mikałaj Zajčanka zajaviŭ, što choć situacyja ŭ ekanomicy i zastajecca vielmi składanaj, ale jana całkam pad kantrolem». Akramia taho, pa słovach ministra, vyniki pieršaha kvartału 2009 hodu dajuć nadzieju na zachavańnie stanoŭčaj dynamiki ŭ ekanomicy.
Najbolšym hałaŭnym bolem dla našaj ekanomiki ad pačatku hodu stała zvužeńnie popytu na zamiežnym rynku. Zamiežnahandlovaje salda pa vynikach I kvartału skłałasia admoŭnaje i dasiahnuła 1,5 młrd dalaraŭ ZŠA. Jak i pa ŭsim śviecie, u Biełarusi najpierš paciarpieła pramysłovaść.
I kali ŭ paliŭnaj pramysłovaści nazirajecca stanoŭčaja dynamika, to ŭ aŭtamabile-, traktarabudavańni, dy vyrabie sielskahaspadarčaj techniki nazirajecca 30%-y spad.U cełym da kanca hodu ŭ pramysłovaści čakajecca padzieńnie abjomaŭ na 0—3%, trochi mienš aptymistyčnyja prahnozy nakont lohkaj pramysłovaści.
100%-je vykanańnie pakazčykaŭ płanujecca ŭ pramysłovaści budmateryjałaŭ.
Za košt čaho ž budzie dasiahnutaja prahnazavanaja ministram stanoŭčaja dynamika ŭ ekanomicy ŭ ceły? M. Zajčanka nazvaŭ try faktary, jakija musiać kampiensavać nievykanańnie pakazčykaŭ u pramysłovaści: rost abjomaŭ vytvorčaści sielskahaspadarčaj pradukcyi (pavodle aficyjnych źviestak pa vynikach I kvartału jon skłaŭ 6,3% u paraŭnańni z adpaviednym pieryjadam 2008 hodu), budaŭnictva i vyrab budaŭniča-mantažnaj pradukcyi (rost — 22% da hadavoha zadańnia pry zapłanavanych 15%), a taksama handal i sistema hramadskaha charčavańnia.
Rentabielnaść vytvorčaści ŭ cełym pa krainie skłała ŭ I kvartale 7,7% suprać 14,2% u anałahičny pieryjad minułaha hodu. Inflacyja ŭ aznačany pieryjad skłała 6,1%, u krasaviku — kala 0,6%, paviedamiŭ ministr ekanomiki.
Uradam razhladajecca pytańnie pavyšeńnia taryfnaj staŭki I razradu, ale ci buduć u bližejšy čas padvyšanyja zarobki dy piensii – jašče nie fakt. U lubym razie, kali i adbudziecca heta, to nie raniej za červień, zajaviŭ Zajčanka.
Adkazvajučy na pytańnie pra mahčymaść čarhovaj razavaj devalvacyi, Mikałaj Zajčanka patłumačyŭ, što Minekanomiki zaŭsiody było suprać razavaj devalvacyi, adnak dziejańni Nacbanku acaniŭ stanoŭča. I dadaŭ, što ŭ bližejšy čas razavaha abiasceńvańnia nacyjanalnaj valuty nie čakajecca.
Namieśnik ministra Andrej Tur u svaju čarhu paviedamiŭ pra admienu licenziravańnia 14 vidaŭ haspadarčaj dziejnaści, što ŭ vyniku pavinna pasadziejničać palapšeńniu ŭmovaj viadzieńnia biźniesu ŭ krainie. Źmieny najpierš musiać zakranuć śfieru pasłuh.
Kamientary