Hienadź Aŭsiańnikaŭ zastaŭsia ŭ Kupałaŭskim: Hety bunt drenna zrežysavaŭ Łatuška. A ludziej jość za što zatrymlivać
Narodny artyst SSSR i Biełarusi Hienadź Aŭsiańnikaŭ — adzin ź niamnohich, chto nie dałučyŭsia da masavaha zvalnieńnia kupałaŭcaŭ. 85-hadovy artyst raskazaŭ u intervju «Kamsamolskaj praŭdzie ŭ Biełarusi» svaju pazicyju. Pryvodzim samyja jarkija cytaty
Ab razvale Kupałaŭskaha
Kažuć, usio pajšło źnizu, ale pačałosia, na moj pohlad, kali niekatoryja akciory pajšli z dyrektaram na mitynh. A prahučała: pajšoŭ uvieś teatr.
Potym jany zvolnilisia: maŭlaŭ, nie možam vychodzić na scenu. Ale kali ŭ ciabie pazicyja, to heta — zapaviet: pa im treba žyć, a nie vykazvać jaho. A jany adrazu: «My, kupałaŭcy, suprać!». U vyniku, na schodzie trupy, kudy zaprasili ministra, zdaryŭsia bunt — žorstki i biessensoŭny.
Dyjałohu nie atrymałasia. Ministru nie dali słova skazać: «Prapanujem vam syści ŭ adstaŭku!», «Hańba!», «Sychodź!». Ja i tady na schodzie, i ciapier kažu: heta biessensoŭna.
Što adbyłosia takoha, kab padavać zajavy ab sychodzie?
Ab pratestach
«Ja tudy nie chadžu… ale ž jość ža za što zatrymlivać! Ja z akna bačyŭ (moj dom na praśpiekcie Niezaležnaści), jak iduć ź dziciem, maci padymała jaho pierad saboj. Ci mamy z kalaskami. Tak što ja budu pra takich dumać? Što vy ź ściahami chodzicie? Što vy dzietak bieracie? Jasna ž, što dzicia milicyjant nie ŭdaryć…
I viskočuć ŭsio — što dobraha? Zamiest taho, kab napisać na płakatach: «My chočam jeści, vypić, zakusić — pažrać». Ale nichto ž taki płakat nie niasie. A tolki: «Dałoŭ!», «Sychodź!».
Pra ściah
Kali ministr u Kupałaŭski pryjazdžaŭ, na fasad vyviesili bieł-čyrvona-bieły ściah. Viedajecie, ja kali baču jaho… Voś vy pamiatajecie, jak jaŭrejaŭ pad im rasstrelvali? A ja pamiataju, sam bačyŭ. Bo hety ściah prydumany ŭ 1918 hodzie, kali była Biełaruskaja Respublika abvieščanaja. Potym jaho prybrali, miežy pieranieśli, potym u akupacyju źjaviŭsia znoŭ…
Pra Łatušku
«Łatuška, pa-mojmu, hety bunt i zrežysavaŭ — pryčym drenna. Byŭ pasłom u Jeŭropie, potym raptam jaho pryznačyli dyrektaram u Kupałaŭski. Jon adrazu, kali pryjšoŭ, zvolniŭ namieśnika dyrektara, potym — hałoŭnaha administratara, za paru miesiacaŭ da piensii».
Pra vyrašeńnie situacyi
«Zvolnienym treba padumać i skazać: «Tak, pierahnuli pałku». Viarnucca i dalej pracavać. Nu a dzie nabiareš novych akcioraŭ?»
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud22
Kamientary