Były milicyjanier trapiŭ u apublikavanuju bazu supracoŭnikaŭ: Pačalisia niepryjemnyja pytańni ad znajomych i byłoj dziaŭčyny
Apošnim časam u internecie publikujucca piersanalnyja źviestki supracoŭnikaŭ milicyi.
Telehram-kanały apubličvajuć imiony, telefony, u niejkich vypadkach fotazdymki, numary mašyn i navat adrasy mierkavanych supracoŭnikaŭ.
Na adzin z takich źlivaŭ «Našaj Nivie» paskardziŭsia były supracoŭnik staličnaha kryminalnaha vyšuku, jaki zvolniŭsia letaś — pa jaho słovach, apublikavanyja bazy — staryja, ale nastupstvy jon adčuŭ na sabie.
Jon raskazaŭ, što ŭ adzin ź dzion zajšoŭ u telehram i ŭbačyŭ u adnoj z baz svajo imia (jon nie choča vystupać adkryta, ale pradastaviŭ Redakcyi paćvierdžańni taho, što jon sapraŭdy słužyŭ i byŭ zvolnieny u 2019 hodzie pa pahadnieńni bakoŭ — «NN»).
Paśla taho, kaža były supracoŭnik, jamu daviałosia pieražyć paru niepryjemnych momantaŭ u suviazi ź cikavaściu znajomych.
«Praź niekatory čas mnie piša moj siabra sa škoły, potym — byłaja dziaŭčyna, ź jakoj my vielmi mirna i piaščotna razyšlisia, zastalisia ŭ dobrych adnosinach, potym jašče znajomy, potym kaleha z raboty.
Kaleha dyk viedaŭ, dzie ja pracavaŭ raniej, asabliva nie vykazvaŭ ničoha, chiba što pacikaviŭsia, ci nie pracuju ja pad prykryćciom. A byłaja dziaŭčyna spačatku naŭprost nie pytałasia, ale ŭ ahulnych znajomych pačała cikavicca, ci pracuju ja jašče ŭ milicyi. Pryjšłosia ŭsim tłumačyć, što ŭžo zvolniŭsia i nie maju dačynieńnia da taho, što ciapier adbyvajecca», — kaža aficer zapasu.
Mužčyna narakaje, što niekalki razoŭ źviartaŭsia da administrataraŭ telehram-kanałaŭ, kab prybrać svajo imia. Ale atrymałasia heta ci nie z šostaj sproby.
-
Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
-
Biełarusbank uvodzić kamisiju za pryjom najaŭnych u rasijskich rublach
-
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty8
Kamientary