Va ŭkrainskaj Vialikaj Sieviaryncy adkryli miemaryjalnuju došku Vasilu Bykavu
Mienavita ŭ bajach za hetu viosku budučy piśmieńnik byŭ ciažka paranieny i navat ličyŭsia zahinułym
U mierapryjemstvie ŭziaŭ udzieł pasoł Biełarusi va Ukrainie Ihar Sokał, kiraŭnik Vialikasieviarynaŭskaj abjadnanaj terytaryjalnaj abščyny Siarhiej Leŭčanka, staršynia Kiravahradskaha adździaleńnia Sajuza piśmieńnikaŭ Vasil Bondar, inicyjatar adkryćcia miemaryjalnaj doški Mikałaj Sierhijenka, zahadčyk Muzieja imia Vasila Bykava Vialikasieviarynaŭskaj ahulnaadukacyjnaj škoły Halina Hubienka, kiraŭnictva škoły i vučni, paviedamlajecca na sajcie pasolstva Biełarusi va Ukrainie.
Ihar Sokał uručyŭ hanarovyja hramaty pasolstva pradstaŭnikam vioski. U Vialikaj Sieviaryncy hłyboka šanujuć pamiać pra Vasila Bykava.
Padčas Kiravahradskaj apieracyi lejtenant Vasil Bykaŭ kamandavaŭ uzvodam 339-ha strałkovaha pałka i ŭdzielničaŭ u krovapralitnych studzieńskich bajach 1944 hoda pad Kiravahradam, dzie, jak adznačaŭ jon sam, «zahinuŭ amal uvieś jaho bataljon, mahčyma, navat i ŭvieś połk». U bajach za Vialikuju Sieviarynku Vasil Bykaŭ byŭ ciažka paranieny.
Pamyłkova jon byŭ zapisany jak zahinuły i značyŭsia pachavanym u brackaj mahile ŭ vioscy. Pra heta tady paviedamili jaho rodnym. Praz 20 hadoŭ paśla vajny Vasil Bykaŭ pryjechaŭ na miesca bajoŭ. Padziei paśla ranieńnia pasłužyli asnovaj jaho apovieści «Miortvym nie balić».
U Vialikaj Sieviaryncy jość vulica imia Vasila Bykava, muziej jaho imia ŭ Vialikasieviarynaŭskaj ahulnaadukacyjnaj škole, kutok Vasila Bykava ŭ sielskaj biblijatecy. A ciapier źjaviłasia miemaryjalnaja doška.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami14
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary