Paśla 9—11 žniŭnia va Ukrainu pierajechali kala 1,2 tysiačy biełaruskich ajcišnikaŭ
Paśla padziej 9—11 žniŭnia ź Biełarusi ŭ susiedniuju Ukrainu pierajechali ŭžo kala 1,2 tysiačy biełaruskich IT-śpiecyjalistaŭ, raspavioŭ DW namieśnik ministra pa ličbavaj transfarmacyi Ukrainy Alaksandr Barniakoŭ.
«U nas jość haračaja linija, i my fiksujem, što kala tysiačy IT-śpiecyjalistaŭ pierasiekli miažu, tady jak u žniŭni było kala dvuchsot. Patok raście, tamu što situacyja nie supakojvajecca», — adznačyŭ jon.
Niekatoryja biełaruskija IT-kampanii, miarkujučy pa ŭsim, taksama zadumvajucca ab pieranosie svaich ofisaŭ va Ukrainu. Na dadzieny momant viaducca pieramovy z 15 biełaruskimi firmami, jakija vyrašyli stvaryć pradstaŭnictvy, paviedamiŭ Barniakoŭ.
Va Ukrainie spadziajucca na stanoŭčy efiekt dla ekanomiki ad pryjomu biełaruskich «ajcišnikaŭ». Adzin taki śpiecyjalist vyrablaje ŭ siarednim kala 100 000 dalaraŭ u hod dabaŭlenaha koštu, kaža ŭ razmovie z DW dyrektar Instytuta sacyjalna-ekanamičnaj transfarmacyi Illa Nieschadoŭski. «Kali pryjechali 1200 śpiecyjalistaŭ, to, hruba kažučy, atrymlivajecca 120 młn dalaraŭ u hod dadatkovych pastupleńniaŭ valuty va Ukrainu», — padkreśliŭ ekśpiert. Zarpłata «ajcišnika» składaje ad 2 da 7 tysiač dałaraŭ u miesiac, častku ź jakich jon budzie tracić va Ukrainie, dadaje Nieschadoŭski.
Nahadajem, raniej ukrainskija ŭłady značna spraścili rełakacyju i pracaŭładkavańnie biełaruskich ajcišnikaŭ. Biełaruskija ŭłady niehatyŭna adreahavali na heta. Ukaz prezidenta Ukrainy ab pryciahnieńni ŭ krainu biełaruskich vysokakvalifikavanych śpiecyjalistaŭ aficyjny Minsk ličyć niepryjaznym i dyskryminacyjnym. Pra heta ambasadaru Ukrainy zajavili ŭ biełaruskim MZS.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary