Lubyja formy piaščotaŭ i pozy «dapuščalnyja i ciešać Boha», piša jon. Kniha karystajecca šalonym popytam u susiedziaŭ.
Polski katalicki śviatar Ksavery Knotc napisaŭ i apublikavaŭ knihu z bahasłoŭskimi i praktyčnymi paradami pra toje, jak palepšyć šlubnym param seksualnaje žyćcio. Kniha ŭžo stała chitom u Polščy.
U knizie «Seks, pra jaki vy nie viedajecie: dla šlubnych par, jakija kachajuć Boha» Ksavieryj Knotc raić pazbavicca ad purytanskich ujaŭleńniaŭ pra intymnaje žyćcio.
Manach ordena franciškancaŭ tłumačyć, što
seks u šlubie pavinien być nie sumnym i rucinnym, a «niepradkazalnym i napoŭnienym fantazijami».
Vydaviectva Sw. Pawel, jakoje zajmajecca vydańniem knihi, atrymała zamovu na paŭtorny jaje vypusk, bo nabožnyja palaki raskupili pieršyja 5000 asobnikaŭ na praciahu niekalkich tydniaŭ paśla taho, jak jany pastupili ŭ prodaž.
U knizie, jakoj užo dali mianušku «katalickaja Kamasutra», Knotc ilustruje z dapamohaj prykładaŭ toje, što raniej było absalutnym tabu dla kaściołu.
Knotc śćviardžaje, što lubyja formy piaščotaŭ i pozy «dapuščalnyja i ciešać Boha». Na jaho dumku, muž i žonka mohuć demanstravać svajo kachańnie adzin da adnaho lubymi sposabami.
Taksama ksiondz śledam za Bieniedyktam ChVI nie ŭchvalaje kantracepcyi, śćviardžajučy, što vykarystańnie srodkaŭ zaściarohi ad ciažarnaści «vyvodzić za ramki katalickaj kultury».
Knotc vykazaŭsia suprać tych, chto sumniavajecca ŭ kampietentnaści manacha, jaki pryniaŭ zarok biasšlubnaści.
Jon śćviardžaje, što sabraŭ materyjały dla knihi ŭ čas kansultacyj šlubnych par, a taksama z dapamohaj publikacyj na svaim sajcie paradaŭ na temu seksu na praciahu hoda.
Ciapier čytajuć
Siarhiej Cichanoŭski pierabraŭsia žyć u Łos-Andželes53
Kamientary