Pamierła samaja publičnaja supracoŭnica minskaha AMAPa Śviatłana Skaražonak. Joj było 29 hadoŭ
Śviatłana Skaražonak — samaja publičnaja supracoŭnica žanočaha ŭzvodu minskaha AMAPa. Pra jaje karjerny šlach šmat razoŭ raskazvali dziaržaŭnyja ŚMI — ź siamji baćki-afhanca, vyvučyłasia na pijarščycu, ale pajšła słužyć.
Dniami Śviatłana pamierła. Abstaviny śmierci nieviadomyja.
Kiraŭnictva MUS i kiraŭnictva minskaha AMAPa vykazali spačuvańni jaje rodnym praz staronki viedamasnaj haziety «Na stražie».
Śviatłanie Skaražonak było 29 hadoŭ, jana pachodziła ź Niaśviža. Baćka-pamiežnik u savieckija časy słužyŭ u Afhanistanie i Turkmienistanie, maci — kultrabotnica. Śviatłana była adzinym dziciom u siamji.
Skončyła fakultet fiłasofii i sacyjalnych navuk BDU, a paśla prajšła padrychtoŭku ŭ navučalnym centry MUS i ŭ 2014 hodzie stała słužyć u AMAPie.
Žanočy ŭzvod u minskim AMAPie byŭ stvorany jašče ŭ 2009 hodzie. Žančyny-amapaŭki nadhladajuć ludziej u sudach, na kancertach, spartyŭnych turnirach, a taksama patrulujuć vulicy.
U papiarednich intervju Śviatłana Skaražonak raskazvała, što jaje małady čałaviek taksama słužyć u AMAPie: «U nas z Maksimam akramia słužby šmat supolnaha, ja b naŭrad ci zmahła sustrakacca z čałaviekam «z hramadzianki». Kali ŭ nas supadajuć vychadnyja, adpraŭlajemsia na viełaprahułki ŭ park, chodzim u kino, teatry».
Pytańnie, ci maje śmierć Śviatłany Skaražonak kryminalny charaktar, aficyjny pradstaŭnik HUUS Minharvykankama pakinuła biez kamientaroŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary