U piatnicu, 5 červienia, u Nacyjanalnaj akademii navuk abirali akademikaŭ i členaŭ‑karespandentaŭ. Členkaram narešcie abrali taksama Michaiła Miaśnikoviča.
U piatnicu, 5 červienia, u Nacyjanalnaj akademii navuk abirali akademikaŭ i členaŭ‑karespandentaŭ. Členkaram narešcie abrali taksama Michaiła Miaśnikoviča.
Usiaho ŭ Biełarusi źjavilisia 11 novych akademikaŭ i 24 členy‑karespandenty.
Kab stać akademikam, treba nabrać dźvie traciny hałasoŭ, pryčym za akademikaŭ hałasujuć tolki akademiki, a za členaŭ‑karespandentaŭ — i akademiki, i členy‑karespandenty.
Takim čynam, pravadziejnymi členami (akademikami) NAN Biełarusi stali:
rektar BDU Siarhiej Abłamiejka — infarmacyjnyja technałohii,
Dyrektar NDI fizična‑chimičnych prablemaŭ Biełdziaržuniviersitetu Aleh Ivaškievič ‑‑ fizičnaja chimija.
Hienieralny dyrektar DNVA «Chimičnyja pradukty i technałohii» Mikałaj Krućko ‑‑ chimija i technałohija minieralnych uhnajeńniaŭ.
Dyrektar Instytutu technałohii mietałaŭ Nacyjanalnaj akademii navuk Biełarusi Jaŭhien Marukovič ‑‑ technałohija mietałaŭ.
Dyrektar RNVC «Kardyjałohija» Alaksandr Mročak — kardyjałohija.
Dyriektar Instytutu miechaniki mietałapalimiernych sistemaŭ imia V.A.Biełaha NAN Biełarusi Mikałaj Myškin — miechanika.
Dyrektar NDI nieŭrałohii, niejrachirurhii i fizijaterapii Ministerstva achovy zdaroŭja Respubliki Biełaruś Arnold Śmiejanovič — niejrachirurhija. Mienavita jon niadaŭna zrabiŭ apieracyju meru Minska Michaiłu Paŭłavu.
Dyrektar Instytutu fizijałohii Nacyjanalnaj akademii navuk Biełarusi Uładzimir Ułaščyk ‑‑ fizičnaja miedycyna. Byŭ ministram achovy zdaroŭja va ŭradzie Viačasłava Kiebiča.
Rektar BNTU i sienatar Barys Chrustaloŭ — mašynabudavańnie.
Były rektar sielhasakademii Alaksandr Cyhanoŭ — ahrachimija.
Zahadčyk kafiedry bijafiziki BDU Siarhiej Čarankievič ‑‑ bijafizika.
Členami‑karespandentami Nacyjanalnaj akademii navuk Biełarusi abranyja:
Volha Alejnikava, dyrektar Respublikanskaha NVC dziciačaj ankałohii i hiematałohii ‑‑ dziciačaja hiematałohija.
Alaksandr Bildziukievič, dyrektar DNU «Instytut fizična‑arhaničnaj chimii NAN Biełarusi» ‑‑ vysokamalekularnyja złučeńni.
Pavieł Vadapjanaŭ, zah. kafiedry fiłasofii BNTU — fiłasofija.
Ivan Hołub, dyrektar Instytutu lnu ‑‑ sielekcyja i vyroščvańnie nasieńnia.
Juryj Dziamidčyk, dyrektar Respublikanskaha centru puchlinaŭ ščytavidnaj załozy, čałaviek, dziakujučy jakomu tysiačy biełarusaŭ z dyjahnazam «rak ščytavidnaj załozy» zastalisia žyvyja, — ankaendakrynałohija.
Alaksandr Iljuščanka, dyrektar IDNVA paraškovaj mietałurhii ‑‑ paraškovaja mietałurhija i kampazicyjnyja materyjały.
Piotr Kazakievič, prafiesar kafiedry ekspłuatacyi mašynna‑traktarnaha parku BDATU ‑‑ technałohija i srodki miechanizacyi sielskaj haspadarki.
Siarhiej Kilin zahadčyk łabaratoryi kvantavaj optyki Instytutu fiziki ‑‑ infarmacyjnyja technałohii.
Vital Łapa, dyrektar Instytutu hlebaznaŭstva i ahrachimii — ahrachimija.
Alaksandr Łaskaŭnioŭ, nam. dyrektara pa navukovaj pracy DNU «Fizična‑techničny instytut Nacyjanalnaj akademii navuk Biełarusi» ‑‑ materyjałaznaŭstva.
Zianon Łoŭkis, hienieralny dyrektar RUP «Navukova‑praktyčny centr NAN Biełarusi pa charčavańni» ‑‑ technałohija vytvorčaści praduktaŭ charčavańnia.
Alaksandr Łukašaniec, dyrektar Instytutu movaznaŭstva imia Jakuba Kołasa NAN Biełarusi, adzin ź ideołahaŭ pryniaćcia novych praviłaŭ biełaruskaj movy — biełaruskaja mova.
Mikałaj Manak, pieršy namieśnik staršyni VAKu, kardyjołah ‑‑ arhanizacyja achovy zdaroŭja.
Michaił Miaśnikovič, staršynia prezidyjumu Nacianalnaj akademii navuk — ekanomika. Urešcie hałoŭny navukoviec krainy pa aficyjnym statusie atrymaŭ status i ŭ navukovym asiarodździ. Raniej akademiki ŭparta «prakatvali» Miaśnikoviča padčas hałasavańniaŭ.
Michaił Nikifaraŭ, dyrektar navukova‑praktyčnaha centru Nacyjanalnaj akademii navuk Biełarusi pa bijaresursach — ekałohija.
Juryj Astroŭski — viadomy biełaruski kardyjachirurh, adzin ź fihurantaŭ kryminalnaj «spravy daktaroŭ» — kardyjachirurhija.
Aleh Pieniaźkoŭ, zahadčyk łabaratoryi fizična‑chimičnaj hidradynamiki Instytutu cieła‑ i masaabmienu imia A. Łykava — ciepłafizika.
Siarhiej Rachmanaŭ, pieršy prarektar BDU, čałaviek, z dapamohaj jakoha z pasady rektara prybirali Alaksandra Kazulina, ‑‑ chimija ćviordaha cieła.
Alaksandr Rahačoŭ byŭ prarektaram pa navucy Biełaruskaha dziaržaŭnaha univiersitetu transpartu, ciapier pracuje ŭ Instytucie vyšejšaj škoły ‑‑ fizičnaja chimija.
Alaksiej Skakun, staršynia SVK «Astramiečava» Bresckaha rajonu ‑‑ ekanomika i kiravańnie narodnaj haspadarkaj, APK.
Anatol Smyčnik, hienieralny dyrektar AAT «Biełharchimpram» (instytutu pry «Biełaruśkalii) — raspracoŭka i ŭzbahačeńnie karysnych vykapniaŭ.
Alaksandr Sukała, adzin z najviadomiejšych biełaruskich piedyjatraŭ, śpiecyjalist pa dziciačaj niefrałohii — piedyjatryja.
Siarhiej Čyžyk, hałoŭny navukovy sakratar NAN Biełarusi ‑‑ mikra‑i nanatechnałohii.
Viačasłaŭ Jančeŭski, zah. adździełu ałhiebry Instytutu matematyki NAN, ałhiebraičnaja hieamietryja. Darečy, baćka pamočnika prezidenta pa ideałohii Usievałada Jančeŭskaha.
«Prachadnym bałam» ličylisia 114 hałasoŭ. Nie vielmi šmat hałasoŭ na vybarach nabrali Skakun, Sukała, Manak i Rachmanaŭ.
A voś Michaił Miaśnikovič pieramoh tryjumfalna.Jak stała viadoma «Biełaruskamu partyzanu», za staršyniu prezidyjumu Akademii navuk sa 168 čałaviek «za» prahałasavała 147, 18 — suprać, try biuleteni pryznanyja niesapraŭdnymi.
Vasileviču, Turu, Cimašpolskamu i Kasincu daviałosia nie pa svajoj voli źniacca z vybaraŭ. Ich kandydatury pavinien byŭ uchvalić kiraŭnik dziaržavy, chacia, jak padkreślivajuć sami akademiki, u akademičnym statucie heta nie prapisana. Na profilnych adździaleńniach ich abrali kandydatami ŭ členy‑karespandenty, ale prezidyjum Akademii navuk pryniaŭ pastanovu ab tym, što jany pavinnyja atrymać sankcyju kiraŭnika dziaržavy. U kułuarach Akademii navuk kažuć, što ich rasčaravańnie było biaźmiežnaje…
Kamientary