Ličby pryjomu ŭ navučalnyja ŭstanovy pa niekatorych śpiecyjalnaściach płanujecca pamienšyć, zajaviŭ siońnia žurnalistam ministr adukacyi Ihar Karpienka, pieradaje BiełTA.
«Ciapier idzie praca nad ličbami pryjomu, a taksama ich abmierkavańnie z kožnaj kankretnaj navučalnaj ustanovaj. Da 1 krasavika jany pavinny być apublikavanyja na sajtach ustanoŭ adukacyi. Adrazu mahu skazać, što buduć źmianšacca na 6% ličby pryjomu pa šerahu humanitarnych śpiecyjalnaściaŭ, u pryvatnaści, na ekanamičnyja i jurydyčnyja», — adznačyŭ Ihar Karpienka.
Akramia taho, jon ahučyŭ nieabchodnaść pierahledzieć suadnosiny ličbaŭ pryjomu na biudžetnuju i płatnuju formy navučańnia.
«Heta nienarmalna, kali na płatnaje navučańnie nabirajuć u piać razoŭ bolš čałaviek, čym na biudžetnaje. Potym my sutykajemsia z tym, što pieršyja nie viedajuć, kudy ŭładkavacca na pracu. Tut treba znajści razumny bałans.
Taksama nieabchodna pierahledzieć ličby pryjomu na zavočnaje navučańnie», — padkreśliŭ ministr.
Adnak u hetym vypadku ŭźnikaje inšaja prablema: źnižeńnie kolkaści płatnych miescaŭ ŭpłyvaje na biudžet navučalnaj ustanovy. «Dla VNU heta realnyja hrošy, jany zarablajuć na raźvićcio bazy. Vyjście adno — surjozna pracavać z našymi zamiežnymi partniorami dla taho, kab naroščvać ekspart adukacyjnych pasłuh», — pierakanany Ihar Karpienka.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary