abiacaje milicyja zabiaśpiečyć pravaparadak padčas śviatkavańnia Dnia Niezaležnaści 3 lipienia.
Padčas śviatkavańnia Dnia Niezaležnaści i 65‑hodździa vyzvaleńnia Biełarusi ad fašysckich zachopnikaŭ pravaparadak budzie zabiaśpiečany «na vielmi vysokim uzroŭni».
Pra heta 16 červienia ŭ hutarcy z žurnalistami zajaviŭ načalnik hałoŭnaha ŭpraŭleńnia achovy pravaparadku i prafiłaktyki MUS Jaŭhien Połudzień.
Pavodle jaho słoŭ, usim, chto pažadaje trapić na śviatočnyja mierapryjemstvy,
daviadziecca prajści praz stacyjanarnyja mietaładetektary. Hramadzianie ŭ stanie ałkaholnaha apjanieńnia i z ałkaholnymi napojami dapuskacca tudy nie buduć.
U pieryjad praviadzieńnia śviatočnych mierapryjemstvaŭ milicyja budzie nieści słužbu va ŭzmocnienym varyjancie va ŭzajemadziejańni sa słužbami Minabłvykankama i Minharvykankama. Supracoŭniki orhanaŭ unutranych spraŭ buduć znachodzicca na vulicach u formie i cyvilnym adzieńni, pracavać buduć «kulturna i vietliva», padkreśliŭ Połudzień.
Jon paviedamiŭ, što pierad praviadzieńniem śviatočnych mierapryjemstvaŭ budzie ažyćcioŭlena rekahnascyroŭka na miascovaści i na ŭsialaki vypadak vyznačany šlachi evakuacyi ludziej. Niepasredna pierad praviadzieńniem mierapryjemstvaŭ placoŭki abśledujuć śpiecyjalisty‑vybuchovatechniki sa słužbovymi sabakami. Zatym milicyja voźmie placoŭki pad achovu. Usio, što budzie adbyvacca padčas mierapryjemstvaŭ, budzie zdymacca na videa.
Jak paviedamiŭ Połudzień, paśla vybuchu ŭ Minsku 4 lipienia 2008 hoda orhany ŭnutranych spraŭ zakupili dastatkovuju kolkaść sučasnych pieranasnych mietaładetektaraŭ. Ciapier u Minsku i abłasnych haradach chapaje i turnikietaŭ.
Rašeńnie ab režymie handlu śpirtnym 3 lipienia budzie prymać Minharvykankam.Adnak MUS vystupaje za vykanańnie zakona ab masavych mierapryjemstvach, u adpaviednaści ź jakim u miescach ich praviadzieńnia i ŭ radyusie 500 mietraŭ handal ałkaholem zabaronieny, zaznačyŭ načalnik hałoŭnaha ŭpraŭleńnia.
Płanujecca, što asobnyja padrychtoŭčyja prafiłaktyčnyja mierapryjemstvy pačnucca za 10 dzion da śviata. Milicyja voźmie na asablivy kantrol raniej sudzimych hramadzian, asob, jakija majuć zbroju, złoŭžyvajuć ałkaholem, znachodziacca na ŭliku ŭ miedycynskich ustanovach.
Kamientary