Zajaviŭ paśla čverćfinału Čempijanatu Jeŭropy pa baskietbole hałoŭny trenier biełaruskaj baskietbolnaj zbornaj Anatol Bujalski.
Hałoŭny trenier zbornaj Biełarusi Anatol Bujalski paśla pieramohi nad słavačkami (70:68 OT) u čverćfinale žanočaha Jeŭrabaskieta‑2009, adznačyŭ maralna‑valavyja jakaści svaich padapiečnych.
«Maje dziaŭčatki — zorki. My vyjhrali, bo ŭ nas było vialikaje žadańnie i samaaddača. U vyrašalnyja chviliny, asabliva ŭ oviertajmie taktyka nie hraje surjoznaj roli. Nie maje vialikaha značeńnia kolkaść padboraŭ i strataŭ», cytuje słovy biełaruskaha treniera Priessboł sa spasyłkaj na aficyjny sajt Čempijanatu Jeŭropy, što prachodzić hetymi dniami ŭ Ryzie.
***
U sieradu vyznačyŭsia jašče adzin paŭfinalist. Ispanija razhramiła Italiju — 61:42.
Siońnia, 18 červienia, u čverćfinałach sustrakajucca Francyja — Hrecyja (17:45) i Rasija — Łatvija (20:15).
Biełaruski sustrenucca ŭ paŭfinale ź pieramožcaj pary Francyja — Hrecyja.
Hety matč z udziełam biełaruskich dziaŭčat projdzie ŭ piatnicu, pačatak u 20:15.
Matč za 3-je miesca ŭ subotu ŭ 18:00, finał u 20:15. Dva hady tamu biełaruski zavajavali bronzavyja miedali kantynientalnaha pieršynstva.
Kamientary