22 červienia (paniadziełak), u 6‑ju hadavinu śmierci Vasila Bykava, telekanał «Biełsat TV» padrychtavaŭ admysłovuju prahramu ŭ pamiać vialikaha biełarusa.
22 červienia, u 6‑iu hadavinu śmierci Vasila Bykava, telekanał «Biełsat TV» padrychtavaŭ admysłovuju prahramu ŭ pamiać vialikaha biełarusa.
18:52 «Vasil Bykaŭ. Apošnija dni», I častka dakumientalnaha filmu z cykłu «Biez retušy», źniaty dla «Biełsatu» ŭ 2008 h. Halinaju i Siarhiejem Navumčykami.
Apošnija hady svajho žyćcia suśvietna viadomy biełaruski piśmieńnik razam z žonkaju pravioŭ za miežami Biełarusi. Jon byŭ adkrytym supraciŭnikam aŭtarytarnaha režymu Łukašenki. Čamu Bykaŭ pakinuŭ Biełaruś? Čamu jon nie moh viarnucca i ŭ jakich akaličnaściach usio ž viarnuŭsia? Jak vyhladali jahonyja apošnija dni? Pra heta ŭ filmie apaviadajuć śviedki, ludzi, jakija niekalki miesiacaŭ žyli pobač ź im u Prazie, a paźniej — ciaham apošnich dzion piśmieńnika ŭ Miensku. U filmie skarystanyja zdymki i videamateryjały, jakija nidzie raniej nie pakazvalisia.
19:20 Admysłovaje vydańnie prahramy «Hość «Biełsatu».
Razmova Paŭła Mažejki z Siarhiejem Zakońnikavym, biełaruskim paetam i siabram Vasila Bykava.
19:36 «Vasil Bykaŭ. Apošnija dni», častka II, 2008 h.
Vasil Bykaŭ razam z žonkaj Irynaju, ranicaju 23 traŭnia 2003 h., vyjechali z kvatery ŭ Prazie ŭ aeraport. Nikoli bolš Bykaŭ u Čechiju nie viarnuŭsia, choć mieŭ u kišeni bilet nazad. Što čakała słavutaha piśmieńnika ŭ biełaruskaj stalicy? Čamu jon viarnuŭsia ŭ Biełaruś paśla niekalkich hadoŭ emihracyi i čamu nie moh viarnucca ŭ Prahu? Pra heta i pra tajamnicu śmierci vialikaha litaratara my daviedajemsia z druhoj častki filmu Haliny i Siarhieja Navumčykaŭ.
20:10 «Ja raskažu vam pra vajnu», dakumientalny film z cykłu «Nieviadomaja Biełaruś», rež. Siarhiej Isakaŭ, Biełaruś, 2009 h.
Zdajecca, pra Bykava napisali dy skazali ŭžo ŭsio. Ale aŭtary stužki «Ja raskažu vam pra vajnu» Siarhiej Isakaŭ i Uładzimir Chalip znajšli novaje vymiareńnie hetaj unikalnaj asoby.
Padmurkam filmu staŭsia unikalny zapis viečarovaj razmovy Vasila Bykava i Alesia Adamoviča.
Sam Vasil Bykaŭ uzhadvaje najbolš jaskravyja epizody svajoj vajskovaj bijahrafii, razvažaje pra toj nialohki čas, pra žorstkija vyprabavańni čałavieka na vajnie. Vykazvaje dumki, jakija dahetul i paśla taho, napeŭna, nidzie nie hučali.
23:06 «Vasil Bykaŭ. Viartańnie», rež. Viktar Korzun, Biełaruś, 2004 h.
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary