Na hetym tydni ŭ minskim kinateatry «Centralny» demanstrujecca prahrama aŭtarskaha kino «Recha Kinafarmatu». Stužka «Masai — vajary daždžu» projdzie 25 červienia, u čaćvier. Heta francuzskaja drama z afrykanskimi aktorami. Jaje hieroi vandrujuć pa niebiaśpiečnaj savanie. Piatničnaja karcina «Uzdych» pastaŭlenaja viadomym karejskim majstram Kim Ki Dukam. Aŭtar prapanuje pravakacyjny luboŭny šmatkutnik z padmanam i hvałtam.
Rumynski kiniematohraf, jaki ciapier na ŭźlocie, pradstaŭleny kamiedyjaj «12:08. Na ŭschod ad Bucharesta». U filmie hieroi vyrašajuć źvieści rachunki z sučasnaściu i ź minułym dy vyśvietlić, ci dakaciłasia revalucyja da ichniaha haradka. Film prezientujecca ŭ subotu.
Dźvie dramy zapłanavanyja na niadzielu. Hieroj arhientynskaha filma «Pierarvanyja abdymki» Daniela Burmana sprabuje razabracca ŭ sabie. A praniźlivaja stužka «Kantrol» Antona Karbejna raspaviadaje pra apošnija hady žyćcia zahadkavaha lidera hrupy «Joy Division», jaki zrabiŭ sabie śmierć.
Viančaje pakaz «Sukijaki Viestern Džanha» japonskaha epatažnika Takašy Miikie. Heta dzika‑nieachajnaja cytatnaja hulnia ŭ viestern i hvałt (kudy ž bieź jaho Miikie!) — ź biełymi šatami, samurajskimi miačami — i Kviencinam Tarancinam, jaki smažyć źmiainyja jajki. Karcina demanstrujecca ŭ subotu.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary