zajaviŭ na pres‑kanfierencyi ŭ Minsku novy mastacki kiraŭnik Nacyjanalnaha akademičnaha teatra imia Janki Kupały.
«Ja nikoli nie budu stavić pjesu tolki tamu, što heta biełaruski tekst ci biełaruski aŭtar», —
zajaviŭ 25 červienia na pres‑kanfierencyi ŭ Minsku Mikałaj Pinihin, novy mastacki kiraŭnik Nacyjanalnaha akademičnaha teatra imia Janki Kupały.
Heta nie aznačaje, rastłumačyŭ Pinihin,
što ŭ teatry nie budzie biełaruskaj dramaturhii, ale pjesy buduć aceńvacca z punktu hledžańnia mastackaj vartaści tekstu.
Kažučy pra pieraŭtvareńni ŭ teatry ŭ suviazi ź jaho prychodam na pasadu mastackaha kiraŭnika, Pinihin paabiacaŭ, što
«kryvi nie budzie».
Pavodle słoŭ režysiora, Kupałaŭski teatr vyznačajecca dobraj, talenavitaj trupaj, asabliva jaho maładaja častka. Jość niekatoryja prablemy siarod akcioraŭ siaredniaha ŭzrostu, ale jany nie zapatrabujuć masavaha zvalnieńnia, zajaviŭ Pinihin. Z repiertuaru teatra, paviedamiŭ mastacki kiraŭnik, u najbližejšy čas źniknuć niekalki śpiektaklaŭ, šeść‑siem — ź vialikaj sceny, prykładna piać — z małoj.
Akramia hetaha, padkreśliŭ Pinihin, małaja scena pavinna stać ekśpierymientalnaj placoŭkaj nie tolki dla maładych režysioraŭ i dramaturhaŭ, ale i ŭ cełym tym miescam, dzie «štości adbyvajecca jak tvorčy praces».
«U našym teatry zaŭsiody adčynieny dźviery dla maładych, nichto nie zabaraniaje pryjści i pastavić śpiektakl na małoj scenie, — skazaŭ režysior.
— Ale tolki ŭ tym vypadku, kali hety režysior moža vyrazna i jasna rastłumačyć, što jon choča rabić, čamu i dla čaho».
Pinihin padkreśliŭ, što jon budzie supracoŭničać tolki z tymi maładymi režysiorami i aŭtarami, u jakich jon upeŭnieny i teksty jakich jamu cikavy.
Havoračy ab premjerach u teatry, Pinihin adznačyŭ pjesu Fransisa Viebiera «Viačera z prydurkam», dzie jon vystupaje ŭ jakaści režysiora‑pastanoŭščyka. Hety śpiektakl, premjera jakoha projdzie 7 lipienia, zaklikany «vykanać» apošniaje rasparadžeńnie Ministerstva kultury ab tym, što «teatr pavinien zarablać hrošy», zajaviŭ Pinihin. Mastacki kiraŭnik Kupałaŭskaha upeŭnieny, što hety kamiedyjny śpiektakl stanie kasavym, budzie prynosić prybytak.
Adzin z maštabnych prajektaŭ Kupałaŭskaha teatra i asabista režysiora Pinihina
— rekanstrukcyja viečara ŭ Niaśvižskim pałacy z vykarystańniem elemientaŭ baleta i opiery.
U asnovie hetaha dziejańnia budzie śpiektakl pavodle scenaryja Uršuli Radzivił, jakaja žyła ŭ XVIII stahodździ i pisała pjesy dla pałacavaha teatra ŭ Niaśvižy. Premjera pryznačana na 2010 hod.
Kamientary