Turcyja prymusiła sajuźnikaŭ pa NATA źmiakčyć pazicyju pa Biełarusi
Turcyja prymusiła chaŭruśnikaŭ NATO pradstavić bolš miakkuju aficyjnuju reakcyju na prymusovuju pasadku samalota Ryanair u Biełarusi, paviedamlaje Reuters sa spasyłkaj na dvuch dypłamataŭ.
U sieradu 30 sajuźnikaŭ NATA apublikavali zajavu z dvuch punktaŭ, u jakoj asudžajuć prymusovuju pasadku rejsa Ryanair dla aryštu žurnalista Ramana Pratasieviča, ale nie praduhledžvajuć nijakich karnych mier, na jakich nastojvali krainy Bałtyi i Polšča.
Zajava była taksama mienš rezkaj, čym publičnyja zaŭvahi Hienieralnaha sakratara NATA Jensa Stołtenbierha.
Ankara nastojvała na tym, kab luboje zhadvańnie ab padtrymcy bolšaj kolkaści sankcyj suprać Biełarusi i zakliki da vyzvaleńnia palityčnych źniavolenych zastalisia pa-za tekstam, zajavili dvoje dypłamataŭ. Fraza, jakaja pahražaje prypynieńniem supracoŭnictva NATA ź Biełaruśsiu, taksama była vydalenaja, dadali jany.
Matyvy Turcyi pakul što niezrazumiełyja.
Dypłamaty zajavili, što Ankara, mahčyma, sprabuje zachavać suviazi z Maskvoj, najbližejšym sajuźnikam Biełarusi, i padtrymlivać ekanamičnyja adnosiny ź Biełaruśsiu z dapamohaj avijakampanii Turkish Airlines, jakaja štodnia ažyćciaŭlaje rejsy ŭ Minsk. Taksama havorka moža iści ab imknieńni Turcyi pryniać rasijskich turystaŭ hetym letam paśla pandemii COVID-19.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk17
Kamientary