Dvuchtydniovyja archiealahičnyja raskopki na Žłobinščynie

30 lipienia – 13 žniŭnia ŭ Śvietłahorsku arhanizujecca čarhovaja moładzievaja archieałahičnaja ekśpiedycyja. Miesca archieałahičnych raskopak: kala vioski Adruby Kabanaŭskaha sielskaha savieta Žłobinskaha rajona Homielskaj vobłaści.

Ekśpiedycyju naładžvaje Śvietłahorskaja rajonnaja arhanizacyja hramadskaha abjadnańnia «Tavarystva biełaruskaj movy imia Francyska Skaryny». Raskopkami kiruje navukovy supracoŭnik Instytuta historyi Nacyjanalnaj Akademii navuk Biełarusi (h. Minsk).

Adjezd udzielnikaŭ sa Śvietłahorska: 30 lipienia ŭ 6 hadzin z čyhunačnaj stancyi: 5 km na ciahniku, zatym – 15 km piešachodnym sposabam. Ciažki ryštunak advozicca sa Śvietłahorska da miesca raskopak na aŭtamabili.

Viartańnie ŭ Śvietłahorsk: 13 žniŭnia, dla inšaharodnich udzielnikaŭ mahčymy adjezd praz Žłobin.

Da ŭdziełu ŭ ekśpiedycyi zaprašajucca dziaŭčyny i junaki, jakija cikaviacca historyjaj, turysckimi vandroŭkami – navučency 9 - 11 kłasaŭ, studenty, moładź. Udzieł u ekśpiedycyi – dabraachvotny i nieapłatny. Vałanciory pracujuć pa 4 hadziny ŭ dzień na raskopkach staražytnaha haradzišča, astatni čas pryśviačajecca adpačynku.

Ekśpiedycyja pravodzicca ŭ malaŭničym miescy na bierazie raki Biarezina. Vałanciory samastojna ustaloŭvajuć namiotavy letnik; charčavańnie hatujuć na vohniščy. Usie pytańni ŭ letniku vyrašajucca na pryncypach samakiravańnia. Udzielniki musiać nie bajacca składanaściej, mieć mocny charaktar i zaŭsiody być hatovymi pryjści na dapamohu siabram. Vyniki raskopak źjaŭlajucca materyjałam dla navuki. Aktyŭnyja ŭdzielniki zaachvočvajucca piśmovymi padziakami Instytuta historyi Nacyjanalnaj Akademii navuk Biełarusi.

Vałanciory pavinny mieć ułasny ryštunak (namiot i inšaje). Śvietłahorskaja arhanizacyja TBM i Instytut historyi zabiaśpiečvajuć charčavańnie ŭ ekśpiedycyi, častkovuju apłatu prajezdu.

Usie, chto zacikaviŭsia, mohuć atrymać dapaŭnialnuju infarmacyju (śpis nieabchodnaha ryštunku, źviestki ab archieałahičnych daśledvańniach na haradziščy Adruby, fotazdymki z ekśpiedycyj papiarednich hadoŭ i inšuju):

paštovy adras - adździaleńnie suviazi № 2, abanientnaja skrynia 32, h. Śvietłahorsk, Homielskaja vobł., 247432, Biełaruś;

telefony - (+375) (0)(2342) 2 95 24 – Kirył Ksianzoŭ; (0)(2342) 4 69 33, (0)(29) 236 55 56 – Maryjana Mirčuk, 4 76 13 – faks;

elektronny adras - [email protected].

Hart

• 0
• 0
• 0
• 0
• 0
• 0
• 0
• 0