Śledčy kamitet Rasii vystaviŭ Siarhieju Karotkich abvinavačvańni ŭ zabojstvach dvuch i bolš čałaviek, učynienych hrupaj asob pa matyvach palityčnaj, ideałahičnaj, rasavaj, nacyjanalnaj abo relihijnaj nianaviści.
Artykuł abvinavačvańnia ŭkazany ŭ chadajnictvie śledstva ab aryšcie Karotkich, infarmacyja ab jakim źjaviłasia 24 žniŭnia na sajcie sudoŭ ahulnaj jurysdykcyi Maskvy, piša Meduza.io.
U Basmannym sudzie paviedamili, što śledstva prosić zavočna aryštavać Siarhieja, jaki znachodzicca ŭ vyšuku.
Siarhiej Karotkich viadomy pa mianušcy «Maluta» i «Bocman». Žyŭ u Biełarusi i mieŭ hramadzianstva.
U Rasii jon udzielničaŭ u stvareńni ŭltrapravaj hrupoŭki «Nacyjanał-sacyjalistyčnaje hramadstva», udzielnikaŭ jakoj abvinavacili ŭ zabojstvach na hlebie rasavaj nianaviści. U 2007 hodzie Karotkich pad zapis daŭ pakazańni suprać kiraŭnikoŭ NSH. Vydańnie nazyvaje Karotkich byłym paplečnikam Maksima Marcinkieviča, viadomaha pa mianušcy Ciasak.
Z 2014 hoda Siarhiej Karotkich žyvie va Ukrainie. U składzie bataljona «Azoŭ» vajavaŭ na Danbasie. Jaho ličać blizkim da byłoha kiraŭnika MUS Ukrainy Arsiena Avakava. Taksama śćviardžałasia, što jon mieŭ dačynieńnie da «Biełaruskaha doma va Ukrainie», kiraŭnika jakoha Vitala Šyšova znajšli niadaŭna paviešanym.
U vieraśni 2020 hoda Maksima «Ciesaka» Marcinkieviča, asudžanaha na 10 hadoŭ kałonii za sieryju złačynstvaŭ, znajšli miortvym u čelabinskim SIZA. Siamja i advakat Marcinkieviča śćviardžali, što na jaho ciele znajšli ślady katavańniaŭ. U SK kazali, što pierad śmierciu Ciasak pryznaŭsia ŭ datyčnaści da dvuch dvajnych zabojstvaŭ. Pa viersii śledstva, Marcinkievič zrabiŭ suicyd.
Paśla śmierci Marcinkieviča izrailski režysior Uładzi Antanievič, aŭtar filma «Kredyt na zabojstva» ab złačynstvach rasijskich nieanacystaŭ, apublikavaŭ list, jaki nibyta napisaŭ Ciasak. Aŭtar lista paviedamiŭ, što daŭ pryznalnyja pakazańni suprać siabie i svaich paplečnikaŭ pa niekalkich zabojstvach, u pryvatnaści, jon śviedčyŭ suprać Siarhieja Karotkich.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary