Upieršyniu ŭ Biełarusi katalickim śviatarom staŭ afrykaniec, jon słužyć u Homieli
Svaje pieršyja imianiny ŭ Homieli adznačyŭ katalicki śviatar Majkł Ujiamadu Akika. 29 vieraśnia, u śviata śviatych Archaniołaŭ Michała, Habryela i Rafała, vierniki homielskaj parafii Uniebaŭziaćcia Najśviaciejšaj Panny Maryi pavinšavali ajca Majkła (Michaiła) ź imianinami. Jon — śviatar-manach z ordena Śviatoha Paŭła i pieršy katalicki śviatar-afrykaniec, jaki słužyć u Biełarusi, piša katolik.life.
Ajcu Majkłu 61 hod, jon rodam ź Nihieryi, a staŭ śviatarom usiaho dva hady tamu. U jaho niezvyčajnaja historyja žyćcia:
— Uzrost dla Boha nie maje značeńnia. Ja vučyŭsia ŭ Savieckim Sajuzie i paśla vučoby viarnuŭsia ŭ svaju krainu. Tam ja staŭ biznesmienam, i amal u 50 hadoŭ zrazumieŭ svajo paklikańnie, pačuŭ Isusa, — raskazvaŭ ojča Majkł paśla paśviačeńnia, jakoje atrymaŭ va Ukrainie.
U 1981 hodzie nihieryjec pryjechaŭ u SSSR, dzie skončyŭ Daniecki dziaržaŭny ŭniviersitet, zatym viarnuŭsia na radzimu. A ŭ 2010 hodzie adpraviŭsia va Ukrainu znoŭ i pačaŭ manaskuju farmacyju ŭ manastyry paŭlinaŭ u Maryupali. Na śviatara vučyŭsia ŭ Instytucie Śviatoha Tamaša Akvinskaha ŭ Kijevie. Paśla paśviačeńnia ŭ 2019 hodzie słužyŭ va Ukrainie, zatym — u Kamierunie, a ŭ 2021 hodzie pryjechaŭ u biełaruski Homiel, pakolki ŭ tutejšym maładym prychodzie, jaki buduje novy kaścioł, była patreba ŭ vikaryi.
Ajciec Majkł — aktyŭny prapaviednik Božaha Słova, jon byŭ vychavany ŭ charyzmatyčnych ruchach, jakija raspaŭsiudžany ŭ Nihieryi. Śviatar viedaje ruskuju movu i vučyć biełaruskuju, taksama słužyć śviatuju imšu pa-anhlijsku dla zamiežnych studentaŭ-katalikoŭ z homielskich VNU.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary