Bolš za tydzień praciahvajecca niezvyčajnaja akcyja brazilskich błohieraŭ suprać staršyni Sienata—Žaze Sarneja.
Sarnej, jaki byŭ pieršym cyvilnym prezidentam Brazilii (1985—1990) paśla padzieńnia vajskovaj dyktatury chunty ŭ 1985 h,. ciapier zrabiŭsia pastajannym fihurantam šmatlikich karupcyjnych skandałaŭ.
I błohiery vyrašyli prapanavać palityku syści. Dziela hetaha jany prapanujuć usim achvotnym vykarystoŭvać na svaich fotazdymkach vusy.
Technałohija «vusataha strajku» prostaja: damaloŭvajecie sami sabie vusy (ci adpuskajecie naturalnyja), dasyłajecie na hety adras , i źmianiajecie, adpaviedna, svaje juzerpiki va ŭsich sacyjalnych siecivach.
Za minuły dzień da akcyi dałučyłasia kala 100 udzielnikaŭ. «Heta sposab dziejańnia tych ludziej, jakija ličać palityku nudnaj spravaj i nia chočuć narmalova udzielničać u joj»‑‑‑kamientuje arhanizatar kampanii 30‑ci hadovy Rykarda Silviejra.
Analityki, praŭda, z sumnievam staviacca da pośpiechu «vusataha» strajku‑‑‑zanadta mocny u palityčnym płanie Žaze Sarnej ź lohkaściu pieražyvie kampaniju. Prablemy chutčej pačnucca u samich maładzienaŭ. Tak, dziaŭčyna adnaho z arhanizataraŭ Vitona Arauža užo złujecca na jahonyja vusy, i pahražaje źniščyć ich, pakul jon śpić. A pad voknami ofisa samoha Rykarda Silviejra apanienty skandujuć «Borat!».
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary