Łukašenka na anłajn-sustrečy z Pucinym pavinšavaŭ krymčan z rasijskim śviatam. A taksama znoŭ paprasiŭsia ŭ Krym
Alaksandr Łukašenka siońnia na anłajn-pasiadžeńni Vyšejšaha dziaržaŭnaha savieta Sajuznaj dziaržavy pavinšavaŭ žycharoŭ Kryma z rasijskim śviatam.
Łukašenka pavinšavaŭ rasijski bok i ŭsich rasijan z Dniom narodnaha adzinstva.
Pucin adznačać hetaje śviata prylacieŭ u akupavany Sievastopal. Łukašenka paprasiŭ Pucina pieradać krymčanam samyja ciopłyja vinšavańni ad biełarusaŭ i pažadańni mocnaha zdaroŭja i mužnaści ŭ hety niaprosty čas.
«Jany pavinny razumieć, što jany nie adny. Usie my pobač i budziem trymacca adno za adnaho i dapamahać u hetyja niaprostyja časy», — zajaviŭ biełaruski palityk.
Taksama Łukašenka vykazaŭ škadavańnie, što nie zmoh trapić u Krym, choć i vielmi hetaha chacieŭ.
«Uładzimir Uładzimiravič mnie ŭsio abiacaŭ-abiacaŭ, što z saboj voźmie ŭ Krym, pakaža navinki, što tam novaha zroblena. A zroblena niamała. Pa darozie paviazie ŭ Krym. Ale voś siońnia adzin źjechaŭ i mianie z saboj nie zaprasiŭ», — skazaŭ Łukašenka.
Nahadajem, Krym i Sievastopal byli akupavanyja Rasijaj u 2014 hodzie. Praktyčna ŭsie krainy śvietu nie pryznali zakonnaści akupacyi. Doŭhi čas ad pryznańnia Kryma rasijskim uchilaŭsia i Łukašenka.
Kamientary