Padčas biesparadkaŭ u łahiery mihrantaŭ u Miedzininkaj pryjšłosia ŭžyć ślozatačyvy haz
8 listapada padčas biesparadkaŭ u łahiery mihrantaŭ u Miedzininkaj (Litva) daviałosia prymianić ślozatačyvy haz, razhladajuć pytańnie praviadzieńnia rasśledavańniaŭ.
«Kali mihrantaŭ sprabavali supakoić, niekatoryja akazvali supraciŭ, chapalisia za zbroju i h. d., pryjšłosia prymianić ślozatačyvy haz, nichto nie paciarpieŭ», — skazaŭ Delfi.lt pradstaŭnik Słužby achovy dziaržaŭnaj miažy Hiedrus Mišucis.
U łahiery, što znachodzicca na terytoryi Škoły pamiežnikaŭ, pratestavali niekalki sotniaŭ mihrantaŭ, adnak da viečara akcyja pratestu praciahvałasia tolki tam, dzie žyvuć siemji. Pa słovach Mišucisa, na niekalkich buntaŭščykoŭ nadzieli kajdanki, ich adździalili ad inšych mihrantaŭ. Ciapier razhladajuć pytańnie praviadzieńnia rasśledavańnia.
Mišucis skazaŭ, što byli vyklikanyja daktary, adnak dapamoha patrabavałasia nie z-za prymianieńnia hazu. «Chutkuju vyklikali dla žančyny ź inšaha siektara, joj stała drenna», — raspavioŭ jon. Ciapier u Miadzininkaj spakojna.
Biesparadki ŭ paniadziełak fiksavalisia taksama ŭ Kibartaj i ŭ Pabradzie, dzie znachodziacca łahiery ŭciekačoŭ, a taksama ŭ Rukle (Jonaŭski rajon), adnak tam incydentaŭ nie było.
Cikava, što akcyi pratestu ŭ litoŭskich łahierach biežancaŭ prajšli ŭ toj dzień, kali vialikaja kałona mihrantaŭ u Biełarusi išła ŭ bok miažy z Polščaj.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary