Na Uschodnich mohiłkach Minska 25 lipienia adbyŭsia mitynh, pryśviečany 25-hodździu z dnia śmierci paeta, prazaika, dramaturha, publicysta, pierakładčyka i kinascenarysta Uładzimira Karatkieviča (26.11.1930—25.07.1984).
Jak adznačyŭ mastak i hramadski dziejač Mikoła Kupava, štohod u dzień pamiaci Karatkieviča na jaho mahile źbirajucca prychilniki tvorčaści piśmieńnika z nadziejaj na novaje čytańnie jaho tvoraŭ, adkryćcio novaha pomnika vialikamu piśmieńniku i jaho nieviadomych rukapisaŭ. «Nie ŭsie tvory Karatkieviča ŭvajšli navat u zbor jaho tvoraŭ, z čym ja sutyknuŭsia pry stvareńni sieryi malunkaŭ da kazak Karatkieviča», — skazaŭ Kupava. Pavodle jaho słoŭ, kožnaje novaje pračytańnie histaryčnaha ramana-epapiei piśmieńnika «Kałasy pad siarpom tvaim», pryśviečanaha pačatku nacyjanalna-vyzvalenčaha paŭstańnia suprać ruskaha caryzmu 1863—1964 hadoŭ pad kiraŭnictvam Kastusia Kalinoŭskaha, vyklikaje «pryliŭ upeŭnienaści i aptymizmu, natchniaje na novyja tvorčyja idei».
U mitynhu ŭdzielničali plamieńnica Karatkieviča Alena Sinkievič i jaje muž Vasil Sinkievič, jakija źjaŭlajucca zachavalnikami miemaryjalnaha kabinieta piśmieńnika ŭ jaho byłoj kvatery pa vulicy Karła Marksa, 40, u Minsku.
Siarod znakavych padziej hetaha hoda, źviazanych z tvorčaściu piśmieńnika, Sinkievič nazvaŭ pastanoŭku Valeryjem Anisienkam śpiektakla pavodle ramana «Kałasy pad siarpom tvaim» u Dziaržaŭnym teatry biełaruskaj dramaturhii, a taksama pierakład na ruskuju movu ramana Karatkieviča «Chrystos pryziamliŭsia ŭ Harodni», zrobleny kandydatam fiłałahičnych navuk, dacentam Biełaruskaha dziaržuniviersiteta Piatrom Žaŭniarovičam.
Udzielniki mitynhu ŭskłali kvietki da mahiły Karatkieviča, vykanali duchoŭny himn «Mahutny Boža».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary