«Biełaruś zrobić usio, kab paźbiehnuć kanfliktu na miažy». Makiej zrabiŭ miralubivuju zajavu praz rasijskaje ahienctva
Biełaruś prymie samyja rašučyja miery, kab nie dapuścić kanfliktu na biełaruska-polskaj miažy, zajaviŭ 11 listapada ministr zamiežnych spraŭ Biełarusi Uładzimir Makiej.
Hetaja zajava prahučała ŭ intervju rasijskamu dziaržaŭnamu ahienctvu RIA «Novosti».
«My kateharyčna nie chacieli b uźniknieńnia niejkich kanfliktaŭ na našaj terytoryi i pastarajemsia zrabić usio, kab nie dapuścić ich, i, naturalna, buduć pryniatyja samyja rašučyja miery», — skazaŭ jon.
Kiraŭnik MZS Biełarusi adznačyŭ, što «siońnia nichto ničoha nie moža harantavać», jak budzie razhortvacca situacyja na miažy. «Siońnia śviet nastolki niepradkazalny, u pieršuju čarhu, u siłu niejkich situacyjnych reahavańniaŭ na vykliki i pahrozy z boku našych jeŭrapiejskich partnioraŭ, što nielha skazać niešta peŭnaje», — dadaŭ ministr.
Učora adbyłasia razmova Anhieły Mierkiel z Uładzimiram Pucinym pa situacyi na biełaruska-polskaj miažy. Adnačasova Ursuła fon der Lajen padniała hetuju temu na pieramovach z Džo Bajdenam u Vašynhtonie.
U svaju čarhu, rasijskija atamnyja bambardziroŭščyki pralacieli nad Biełaruśsiu ŭzdoŭž polskaj miažy.
Varšava papiaredziła Minsk pra hatoŭnaść całkam zakryć biełaruska-polskuju miažu dla ruchu hramadzian i tavaraŭ u vypadku eskałacyi kanfliktu Minskam.
Jeŭrasajuz ža abmierkavaŭ mahčymaść uviadzieńnia sankcyj suprać kampanij trecich krain, jakija ŭdzielničajuć u dastaŭcy mihrantaŭ u Biełaruś. Havorka ŭ tym liku pra rasijski «Aerafłot».
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary