Kamitet pa lekavych srodkach dla ludziej Jeŭrapiejskaha ahienctva pa lekavych srodkach (JEMA) rekamiendavaŭ dazvolić vykarystańnie preparataŭ Ronapreve ad amierykana-šviejcarskaj kampanii Regeneron-Roche i Regkirona ad paŭdniovakarejskaha vytvorcy dla lačeńnia COVID-19. Pra heta paviedamlaje pres-słužba JEMA.
Kamitet rekamiendavaŭ dazvolić Ronapreve dla lačeńnia karanavirusa ŭ darosłych i padletkaŭ (ad 12 hadoŭ i vahoj nie mienš za 40 kh), jakim nie patrabujecca dadatkovy kisłarod i jakija padviarhajucca padvyšanaj ryzycy surjoznaha ciačeńnia zachvorvańnia.
Ronapreve taksama možna vykarystoŭvać dla prafiłaktyki COVID-19 u ludziej va ŭzroście ad 12 hadoŭ i bolej z masaj cieła nie mienš 40 kh.
Što tyčycca Regkirona, kamitet rekamiendavaŭ dazvolić hetyja leki dla lačeńnia darosłych z COVID-19, jakija nie majuć patreby ŭ dadatkovym kisłarodzie i jakija taksama padviarhajucca padvyšanaj ryzycy surjoznaha zachvorvańnia.
Rekamiendacyi nakiravanyja ŭ Jeŭrapiejskuju kamisiju dla pryniaćcia dalejšych jurydyčnych rašeńniaŭ.
Ronapreve i Regkirona — pieršyja leki z monakłanalnymi antyciełami, jakija atrymali stanoŭčaje zaklučeńnie kamiteta pa lekavych srodkach. Raniej stanoŭčaje zaklučeńnie atrymaŭ tolki Veklury (remdesivir).
Monakłanalnyja antycieły — heta białki, pryznačanyja dla prymacavańnia da peŭnaj mišeni, u dadzienym vypadku da białku-šypa SARS-CoV-2, jaki virus vykarystoŭvaje dla praniknieńnia ŭ kletki čałavieka.
Daśledavańni pakazali, što lačeńnie ranaprevam abo rehkironam značna źnižaje kolkaść špitalizacyi i śmierciaŭ u pacyjentaŭ z COVID-19, schilnych da ciažkaha ciačeńnia chvaroby. Inšaje daśledavańnie pakazała, što ranapreŭ źnižaje vierahodnaść zaražeńnia COVID-19, kali adzin z členaŭ siamji infikavany SARS-CoV-2.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantovaj vobłaści Rasii. U aŭtobus papaŭ bieśpiłotnik15
Kamientary