Jeŭrakamisar Ferera‑Valdner paviedamiła, što dapamoha Biełarusi «moža adbyvacca pa linii Mižnarodnaha valutnaha fondu».
Ministr zamiežnych spravaŭ Biełarusi Siarhiej Martynaŭ druhi raz ciaham hodu naviedaŭ Brusiel. I znoŭ — dla sustrečy z «jeŭratrojkaj».
28 lipienia ŭ bielhijskaj stalicy ministr sustrakaŭsia ź viarchoŭnym kamisaram zamiežnaj palityki i palityki biaśpieki Chaŭjeram Sałanam, jeŭrakamisaram u pytańniach palityki dobrasusiedstva i pašyreńnia Bienitaj Fierera‑Valdner i kiraŭnikom źniešniepalityčnaha viedamstva Šviecyi Karłam Bildtam. Šviecyja staršyniuje ŭ sajuzie 27 niezaležnych dziaržavaŭ.
Pa zaviaršeńni pieramovaŭ udzielniki adkazali na pytańni žurnalistaŭ. Najpierš spn.Fierera‑Valdnier adznačyła, što
Jeŭrasajuz hatovy padtrymlivać Biełaruś, kali naša kraina «prademanstruje surjozny ruch u nakirunku demakratyi i fundamientalnych svabod».
Jeŭrasajuz nie zusim zadavoleny stanam rečaŭ u Biełarusi. Šviedski ministr Bildt zaznačyŭ, što situacyja ŭ Biełarusi na siońnia «nie adpaviadaje čakańniam».
«Biełaruskija ŭłady mohuć i ŭ pryncypie pavinny zrabić bolš dla ŭmacavańnia adnosin ź ES», — dadaŭ Karł Bildt.
U vieraśni Jeŭrasajuz pačnie vyvučać situacyju ŭ Minsku pa piaci asnoŭnych punktach (adsutnaść palitviaźniaŭ, svaboda ŚMI, źmieny vybarčaha zakanadaŭstva, palapšeńnie pracy niedziaržaŭnych arhanizacyj i harantyja svabody schodaŭ i palityčnych abjadnańniaŭ). Pa vynikach pravierki ŭ listapadzie i budzie vyrašana, ci praciahvać sankcyi suprać biełaruskich čynoŭnikaŭ.
«My ŭžo prademanstravali našu dobruju volu, kali padvoili finansavuju dapamohu Biełarusi z 5 da 10 miljonaŭ jeŭra, i my chočam zrabić toje samaje ŭ 2010 hodzie, asabliva padtrymaŭšy palapšeńnie jakaści biełaruskich praduktaŭ, bo heta važna dla biełarusaŭ, kab jany mahli ekspartavać pradukty ŭ Jeŭrasajuz», — zaznačyła Fierera‑Valdnier, adkazvajučy na pytańnie pra ekanamičnaje supracoŭnictva.
Što datyčyć naŭprostavaj hrašovaj dapamohi ES, to jeŭrakamisarka skazała, što heta «moža adbyvacca pa linii MVF».A ŭ budučyni mahčymyja atrymańnie kredytaŭ u Jeŭrapiejskim banku rekanstrukcyi i raźvićcia i Jeŭrapiejskim inviestycyjnym banku.
Jašče 19 lipienia pradstaŭniki MVF zajavili, što Minsk bolš nie maje patreby ŭ dadatkovym zamiežnym finansavańni, z ulikam tych kredytaŭ, što byli vydadzieny ci byli paabiacanyja.
Fierera‑Valdnier skazała, što ES moža šmat čaho prapanavać Biełarusi ŭ roznych halinach, u pryvatnaści ŭ śfiery makraekanomiki, enierhietyki, handlu, ablahčeńnia vizavaha režymu. Jana zaznačyła, što patencyjał u stasunkach pamiž Biełaruśsiu i Jeŭrasajuzam jašče vielmi vialiki. Adnak raźvivacca dalejšym adnosinam zaminaje niaŭpeŭnienaść jeŭrapiejcaŭ, što ŭ Biełarusi adbyvajucca niezvarotnyja reformy.
«I Biełaruś, i ES raźličvajuć, što kožny z bakoŭ budzie z bolšaj chutkaściu iści nasustrač čakańniam inšaha», – adkazaŭ na heta Martynaŭ.Jon akcentavaŭ pytańnie darahavizny vizaŭ. Jahony šviedski kaleha paryravaŭ, što hetaje pytańnie zaležyć ad voli biełarusaŭ.
Niežadańnie ES vydzialać kredyt łukašenkaŭcam aznačaje, što finansavaja situacyja ŭ Biełarusi da kanca hodu budzie zastavacca niestabilnaj. Dalejšaja devalvacyja rubla nie vyklučanaja.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary