U Biełarusi kožnaje piataje złačynstva — na pjanuju hałavu. Heta adzin z samych vysokich pakazalnikaŭ na postsavieckaj prastory
Ałkahalizm zastajecca adnoj z asnoŭnych pryčyn złačynnaści ŭ Biełarusi. Tak, za apošnija čatyry hady da 20% złačynstvaŭ ździajśniajucca ŭ stanie ałkaholnaha apjanieńnia, kala 2% — u stanie narkatyčnaha apjanieńnia. Pa «pjanaj złačynnaści» naša kraina zajmaje treciaje miesca na postsavieckaj prastory, horš, naprykład, u Rasii.
Najbolš pakazalnymi źjaŭlajucca hvałtoŭnyja złačynstvy: 84% vypadkaŭ naŭmysnaha naniasieńnia ciažkich cialesnych paškodžvańniaŭ adbyvajecca na pjanuju hałavu, 75% zhvałtavańniaŭ — taksama ŭ stanie apjanieńnia.
U Akademii milicyi pryvodziać ličby ŭdzielnaj vahi «pjanaj złačynnaści», u Biełarusi adzin z samych vysokich pakazalnikaŭ na postsavieckaj prastory — 29,3%. Dla paraŭnańnia: Azierbajdžan — 1,4%; Armienija — 0,6%; Kazachstan — 11,8%; Kyrhyzstan — 2,5%; Małdovie — 27%. Horš, čym u Biełarusi, situacyja ŭ Rasii — 30,7%
Adnym sa sposabaŭ baraćby z ałkahalizacyjaj i złačynnaściu ŭ Biełarusi źjaŭlajucca tak zvanyja lačebna-pracoŭnyja prafiłaktoryi (bolš viadomaja ruskamoŭnaja abrevijatura — ŁTP), kudy traplajuć ludzi z zaležnaściu, jakija na praciahu hoda ździejśnili dva pravaparušeńni ŭ stanie apjanieńnia.
Takaja praktyka časoŭ SSSR zastałasia tolki ŭ našaj krainie, pravaabaroncy krytykujuć ŁPP, pakolki kiruje ŭstanovami Departamient vykanańnia pakarańniaŭ MUS, časta ŭmovy tam blizkija da situacyi ŭ kałonijach, sama praktyka vyhladaje jak pakarańnie ludziej za toje, što jany chvoryja (adkaznaść za pravaparušeńni nie zdymajecca źmiaščeńniem u ŁPP).
Samaje hałoŭnaje — ułady nie majuć danych ab paśpiachovaści takoha «vypraŭleńnia», u Biełarusi niama ŭliku, kolki ludziej admovilisia ad ałkaholu paśla ŁPP.
U Akademii MUS skłali «kryminałahičny partret» tych, chto ŭtrymlivajecca ŭ ŁPP: heta mužčyna va ŭzroście ad 20 da 31 hoda, biespracoŭny, traplaje ŭ ŁPP druhi raz i bolš, na termin u adzin hod, raniej sudzimy.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary