Staŭ viadomy hrafik niepracoŭnych dzion na 2022 hod. Ich budzie mienš, čym u 2021
U Biełarusi — dziesiać dzion na hod źjaŭlajucca śviatočnymi i niepracoŭnymi. Ale piać ź ich u 2022-m vypadajuć na zvyčajnyja vychodnyja, heta značyć, što sioleta my atrymajem tolki piać dadatkovych vychodnych. Jašče dva złučać sa śviatočnymi, ale ich daviadziecca paśla adpracavać. Dla paraŭnańnia: u Rasii 27 dzion buduć śviatočnymi, u Łatvii — 15, u Litvie — 14, u Polščy — 13 i va Ukrainie — 11 dzion.
Pieršyja śviatočnyja dni my ŭžo adhulali: 1-ha i 2-ha studzienia vypali na subotu i niadzielu. U Rasii, naprykład, robiać niepracoŭnymi nastupnyja budni dni, ale ŭ nas nijakich «kampiensacyjaŭ» niama. Pravasłaŭnaje Rastvo śviatkujem siońnia, 7 studzienia, i heta pieršy budni vychodny.
Dalej čakajem dva vychodnyja ŭ sakaviku: mižnarožny dzień žančyn vypadaje na aŭtorak, urad vyrašyŭ zrabić niepracoŭnym i 7-ha sakavika, ale daviadziecca adpracavać u nastupnuju subotu, 12-ha. Takim čynam, u sakaviku majem čatyry vychodnyja dni: z 5-ha pa 8-ha, možna płanavać karotkija padarožžy.
U krasaviku śviatkujem Vialikdzień: 17-ha — kataliki, 24-ha — pravasłaŭnyja. Śviata, jak viadoma, u niadzielu, tamu pa biełaruskich zakonach, nijakich dadatkovych śviataŭ nie budzie. Adnak u nas jość Radunica, jakaja sioleta vypadaje na 3-ha maja, aŭtorak. I jak zvyčajna, niepracoŭnym budzie i paniadziełak, jaki praŭda, daviadziecca paśla adpracavać — 14-ha maja. Takim čynam, u mai adpačyvajem 1-ha (heta niadziela), 2-ha i 3-ha — jość čas pasadzić bulbu. Dalej vychodzim na pracu z 4-ha pa 6-ha. A z 7-ha pa 9-ha iznoŭ adpačyvajem, Dzień Pieramohi sioleta budzie ŭ paniadziełak.
Nastupnaje dziaržaŭnaje śviata — Dzień Niezaležnaści 3-ha lipienia, jakoje vypadaje na niadzielu, tak što nijakich dadatkovych vychodnych nie budzie.
A voś 7 listapada, Dzień Kastryčnickaj revalucyi, jaki ŭsio jašče źjaŭlajecca śviatam u Biełarusi, budzie ŭ paniadziełak, tak što hety dzień niepracoŭny.
I zastajecca katalickaje Rastvo ŭ śniežni, 25-ha vypadaje na niadzielu, dadatkovych vychodnych nie budzie. Nahadajem, što pracoŭny dzień, jaki papiaredničaje śviatočnamu, pavinien być skaročanym na hadzinu.
10 kaladnych filmaŭ, jakija varta pahladzieć u śviaty
Čamu katoliki i pravasłaŭnyja śviatkujuć Vialikdzień u rozny čas. I roźnica moža składać navat miesiac?
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik52
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary