Biežanca ź Biełarusi buduć sudzić u Polščy za nielehalny pierachod miažy
U sakaviku minułaha hoda žychar Bresta Vital praz pahrozu zatrymańnia ŭ Biełarusi pierapłyŭ Buh i apynuŭsia ŭ Polščy, dzie la miažy jaho sustreli dvoje znajomych. Nieŭzabavie ich zatrymali polskija pamiežniki. Ciapier usich troch buduć sudzić.
Sud pačniecca 14 studzienia ŭ rajonnym sudzie Biała-Padlaski, paviedamlaje «Gazeta Wyborcza».
Vitala abvinavačvajuć u niezakonnym pierasiačeńni miažy Polščy, a znajomych, jakija jaho sustreli kala miažy — u arhanizacyi pierachodu. Samomu Vitalu pa hetym artykułam pahražaje da 3 hadoŭ pazbaŭleńnia voli, a siamiejnaj pary, što jaho padvoziła — da 8 hadoŭ.
Pa słovach Vitala, padčas paślavybarčych pratestaŭ u Biełarusi jon drukavaŭ ulotki i rabiŭ pratesnyja nadpisy ŭ horadzie. 11 listapada 2020 hoda da jaho dadomu pryjšoŭ AMAP, paśla čaho Vital 5 miesiacaŭ chavaŭsia ŭ Biełarusi. U sakaviku jon vyrašyŭ biehčy ŭ Polšču i paprasić tam prytułak, ale pašparta ŭ jaho pry sabie nie było — zabrali siłaviki padčas pieratrusu.
«Kali niechta ratuje svajo žyćcio, to pojdzie na ŭsio, — raskazaŭ žurnalistam Vital. — Pierapłyści hetuju raku niaprosta, u jaje mocnaja płyń, šmat viroŭ, a ŭ sakaviku było choładna. Ja zaściaroh ad vady telefon i dakumienty, pierš za ŭsio dokazy svajho pieraśledu, kab jany adrazu zrazumieli, što ja palityčny biežaniec i prašu prytułku. Kali ja apynuŭsia na polskim bierazie, byŭ ščaślivy. Maja meta była ŭ tym, kab pierasiačy miažu i apynucca na bierazie, a dalej ja nie płanavaŭ…»
Akazałasia ž, što paśla zatrymańnia ŭ Polščy na Vitala i jaho znajomych zaviali kryminalnuju spravu. Praŭda, za 9 miesiacaŭ, jakija prajšli z tych časoŭ, Vital paśpieŭ atrymać status uciekača, a jahonaja žonka i dzieci taksama pierabralisia ŭ Polšču.
Člen praŭleńnia Asacyjacyi pravavoha ŭmiašańnia, jakaja dapamahaje biełarusu, śćviardžaje, što Kanviencyja ab statusie biežanca prama zabaraniaje karać biežancaŭ za niezakonny pierachod miažy.
Ciapier čytajuć
Zialenski: Retranślatary na miažy Biełarusi prypynili pracu71
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1212
Kamientary