U Hiermanii asudzili na pažyćciovaje źniavoleńnie siryjca, jaki katavaŭ palitviaźniaŭ
U niamieckim horadzie Koblenc vynieśli prysud eks-aficeru śpiecsłužbaŭ Bašara Asada, jakoha abvinavačvali ŭ ździajśnieńni złačynstvaŭ suprać čałaviečnaści — masavych zabojstvach i katavańniach siryjskich apazicyjanieraŭ i členaŭ ich siemjaŭ. Prysud — pažyćciovy biez prava na pamiłavańnie, piša BBS.
Asudžanamu — 58 hadoŭ, zavuć jaho Anvar Rasłan.
Pavodle viersii prakuratury, u 2011 hodzie, padčas antyŭradavych pratestaŭ u Siryi, jon byŭ pałkoŭnikam raźviedki i kiravaŭ katavańniami źniavolenych u damaskaj turmie Al-Chacib, viadomaj u narodzie jak «piekła na ziamli».
Śledstva ŭstanaviła, što za pieršyja dva hady «Arabskaj viasny» pa jahonamu zahadu byli zhvałtavanyja, padvierhnutyja katavańniam i zabityja nie mienš za 4 tysiač čałaviek, jakija vystupali suprać siryjskich uładaŭ.
Razam z Rasłanam sudziać i jahonaha padnačalenaha, prysud jakomu vyniesuć paźniej.
Siryjskija vajskoŭcy apynulisia ŭ rukach niamieckich sudoŭ, bo paśla pryjechali ŭ Hiermaniju jak biežancy i paprasili tut palityčny prytułak. Ale pa miascovych zakonach, spravy ab złačynstvach suprać čałaviečnaści traplajuć pad univiersalnuju jurysdykcyju i mohuć razhladacca niamieckim sudom, navat kali ździejśnienyja za miežami krainy.
Rasłana prysudzili da pažyćciovaha źniavoleńnia biez prava na prašeńnie ab pamiłavańni. Hety prysud — častka pieršaha ŭ historyi pracesu pa spravach ab katavańniach u Siryi.
Pa sutnaści, svaim vierdyktam sud Koblenca pryznaŭ režym Bašara Asada vinavatym u ździajśnieńni złačynstvaŭ suprać svaich hramadzian, piša VVS. Tamu ŭ ŚMI nazyvajuć hety prysud histaryčnym.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary