Skandał u Litvie: pachavalnaja kantora, jakaja naležyć Carkvie, pradavała adnyja i tyja ž truny pa niekalki razoŭ
Pradpryjemstva «Centr pachavalnych pasłuh», jakoje naležyć Słužbie ekanomaŭ Vilenskaha arcybiskupstva, pierapradavała svaim klijentam truny, jakija raniej užo byli ŭ užyvańni. Pra heta śviedčyć rasśledavańnie, praviedzienaje Litoŭskaj nacyjanalnaj teleradyjokampanijaj LRT, piša delfi.lt.
Akazvajecca, truny, u jakich niabožčyki pieravozilisia dla kremacyi ŭ krematoryj u Polščy, nie spalvalisia, jak naležyć, a viartalisia paśla ŭ Litvu i znoŭ pastupali ŭ handal. Jość śviedčańni taho, što piersanał u centralnaj zale krematoryja zmyvaŭ acetonam imiony ludziej na viečkach trunaŭ, u jakich ich pieravozili na kremacyju.
Taki pieraprodaž trunaŭ, pa śviedčańniach rabotnikaŭ, doŭžyŭsia kala troch hadoŭ. Źviestki, sabranyja LRT, pakazvajuć, što klijenty kuplali truny koštam ad 300 da 1000 jeŭra, ale dla kremacyi cieła pieranosili ŭ kardonnyja truny koštam nie bolšym za 16 jeŭra.
Tolki ŭ minułym hodzie na pieraprodažy ŭžyvanych trunaŭ Centr pachavalnych pasłuh zmoh zarabić nie mienš za 45 tysiač jeŭra. Jahonyja kiraŭniki, praŭda, kažuć, što viernutyja truny imi restaŭravalisia. Adnak dadzienyja, sabranyja daśledčym adździełam LRT, śviedčać, što nasamreč u minułym hodzie kampanija restaŭravała tolki čatyry truny, a viernutyja im byli 150 štuk.
U Arcybiskupskaj kuryi žurnalistam paviedamili, što kampanija sama źviazałasia ź ludźmi, jakim pasłuhi nie byli akazanyja ŭ poŭnym abjomie. A dyrektar Centra pachavalnych pasłuh napisaŭ zajavu ab vyzvaleńni jaho ad pasady pa ŭłasnym žadańni.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary