«Ci to sumku pastavili, ci to inšaje». Mašynistaŭ ciahnika adchilili ad pracy za sihnał kala Aleksandryi
Absurdnaja historyja zdaryłasia na čyhuncy. U śniežni mašynisty, prajazdžajučy Aleksandryju, małuju radzimu Łukašenki, zacisnuli knopku hukavoha sihnału. Za paŭtary chviliny hudka palacieli hałovy. «Naša Niva» daviedałasia padrabiaznaści.
Pra historyju paviedamiŭ telehram-kanał stačkamaŭcaŭ. U śniežni łakamatyŭnaja bryhada mahiloŭskaha depo viartałasia paśla pajezdki ŭ Viciebsk. Jany jak pasažyry siadzieli ŭ zadniaj kabinie dyziel-ciahnika. Kali ciahnik prajazdžaŭ pa Škłoŭskim rajonie, kala Aleksandryi, pačuŭsia sihnał.
U toj čas tam, vierahodna, znachodziŭsia Łukašenka. Tamu incydent na čyhuncy pačali rasśledavać.
«Brali zapisy bartavoha kampjutara, tłumačalnyja ŭ bryhad — i toj, jakaja viała ciahnik, i toj, što viartałasia dadomu. Bryhada tłumačyła, što toje zdaryłasia vypadkova. U dakumientach paznačyli, što na cifon (knopku padačy hukavoha sihnału) ci to sumku pastavili, ci to štości jašče», — raskazali «Našaj Nivie» ŭ stačkamie.
Pa infarmacyi čyhunačnikaŭ, u tym ža śniežni načalniku depo, jaho namieśniku pa ekspłuatacyi i instruktaru kałony mašynistaŭ vynieśli vymovy. Samu bryhadu, jakaja viartałasia dadomu ŭ zadniaj kabinie (heta dva čałavieki), adchili ad pracy mašynistami i pieraviali ŭ ramont. Tam zarobki mienšyja.
«Spačatku ich chacieli tolki premii pazbavić, ale Minsk heta nie zadavoliła», — dzielacca ŭ stačkamie.
Čyhunačniki kažuć, što daŭno isnuje vusnaje rasparadžeńnie nie prymianiać sihnał na ŭčastku darohi kala Aleksandryi.
Čytajcie jašče:
Čyhunačnik pra ŭzłom sistemy na Biełaruskaj čyhuncy: «Rabočyja radyja, što ŭsio tak adbyvajecca»
«Pieraviaduć ludziej u ramont, a tam kapiejki płaciać». Čyhunačnik pra toje, što čakaje rabotnikaŭ z-za spynieńnia biełaruska-litoŭskaha tranzitu
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk33
Kamientary