Za ŭdzieł u pratestach kryminalna asudžanyja ŭžo 1832 čałavieki
Ličbu ŭ 1832 čałavieki, asudžanyja za ŭdzieł u pratestach sa žniŭnia 2020-ha pa pačatak lutaha 2022-ha, nazvaŭ siońnia pieršy namieśnik staršyni Viarchoŭnaha suda Biełarusi Valeryj Kalinkovič.
«Ź ich 168 asudžanyja za arhanizacyju albo ŭdzieł u masavych biesparadkach, 396 — za hrupavyja dziejańni, jakija parušajuć hramadski paradak, 468 — za abrazu pradstaŭnikoŭ ułady, 29 — za paklop», — cytuje BIEŁTA słovy namieśnika staršyni Viarchoŭnaha suda.
Jašče 126 čałaviek asudzili za nibyta chulihanstva. 86 — za ździek ź dziaržaŭnych simvałaŭ. 27 čałaviek byli asudžanyja pa abvinavačańni ŭ raspalvańni sacyjalnaj varožaści, 7 — za ŭčynieńnie «aktaŭ teraryzmu».
Pry hetym Kalinkovič zajaviŭ, što pakarańnie ŭ vyhladzie pazbaŭleńnia voli było prysudžanaje mienš čym pałovie asudžanych udzielnikaŭ pratestaŭ. Takich, pavodle jaho, nabrałasia «tolki» 663, to-bok niedzie 36%. 60% asudzili da abmiežavańnia svabody.
Pa stanie na siońniašni dzień pravabaroncy pryznali palitviaźniami 1062 čałavieki.
Ludzi, asudžanyja pa inšych artykułach, jak Viktar Babaryka, i tyja, kaho jašče nie asudzili, jak Jaŭhien Juškievič, Mikałaj Aŭtuchovič ci kiraŭniki niezaležnych ŚMI, taksama ŭ hetuju statystyku nie ŭvachodziać. Takim čynam, ahulnaja kolkaść palitaryštantaŭ vymiarajecca ŭžo tysiačami.
Kolkaść fihurantaŭ palityčnych kryminalnych spraŭ, jakija zdoleli pakinuć Biełaruś, taksama, pavodle roznych acenak, składaje tysiačy čałaviek.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary