Žurnalistki «Našaj Nivy» da Dnia śviatoha Valancina skłali top samych seksualnych biełaruskich mužčyn i prapanavali čytačam prahałasavać za samaha-samaha. U finał vyjšła dzieviać pretendentaŭ. Pieramožca vyznačycca hałasavańniem u Telehramie @Nashaniva.
Cikava, što siarod ludziej, jakija ŭsprymajucca jak samyja seksualnyja, siarod dzieviaci pieramožcaŭ pieršaha tura hałasavańnia — adrazu čatyry palitviaźni.
Voś chto moža atrymać tytuł Samaha seksualnaha mužčyny Biełarusi — 2022.
Jaŭhien Juškievič
Były śledčy, jaki paśla pracy ŭ orhanach syšoŭ u IT. Haspadar dvuch sabak — chaski Jakuta i dratchaara Chanta. Ciapier Jaŭhien — palitviazień, jaho abvinavačvajuć pa troch artykułach Kryminalnaha kodeksa. «Ničoha b nie źmianiŭ — šalony i cikavy hod. Nie źjechaŭ by», — pieradavaŭ jon u intervju z-za krataŭ.
Mikita Miełkazioraŭ
Topavy jutub-błohier i aŭtar kanała «Žyćcio-malina». Lubić kroksy, vučyć matčynu movu, nie pje ałkahol. Dla znajomstva ź dziaŭčatami abiraje instahram. «Moj śpis žančyn moh patrapić u RUUS niekalki razoŭ. Bo telefon, u jakim jon byŭ, ja addaŭ siabram, kali jany chadzili na akcyi. Ale jany źnieśli ŭsie naładki, i śpisa majho nie zastałosia. Tamu ciapier ja ničoha nie dakažu», — žartavaŭ Mikita.
Pavieł Charłančuk
Kupałaviec, madel, šmatdzietny baćka. Jon jak Bred Pit — z hadami stanovicca tolki lepš. Praŭda, biłbordy z Charłančukom u horadzie nie pabačyš: letašniuju rekłamu «Elemy», u jakoj jon źniaŭsia, praz čas prybrali z vulic.
Eduard Babaryka
My nie mahli nie ŭklučyć u hety śpis palitviaźniaŭ, bo siarod ich šmat hodnych chłopcaŭ. Eduard zapuskaŭ paśpiachovyja kraŭdfandynhavyja placoŭki MolaMola i «Vulej», nivodnaja ź jakich ciapier nie dastupna. U turmie chłopiec z červienia 2020 hoda, suda dahetul nie było.
Saša Ivulin
Žurnalist, aŭtar jutub-kanała «ČiestnOK». Letaś Saša zapuściŭ futbolnaje realici — padpisaŭ kantrakt z kamandaj «Krumkačy» i staŭ treniravacca razam sa spartoŭcami, kab samomu trapić u asnoŭny skład. Zaviaršyć jaho jon nie zmoh: u minułym červieni chłopca zatrymali. Sašy prysudzili dva hady kałonii.
Vadzim Prakopjeŭ
Były minski restaratar. Ciapier Prakopjeŭ viadzie kanał «Radyjo Haaha» — z ułaścivym jamu pačućciom hustu, vostrym słovam i nalotam zahadkavaści.
Dzianis Dudzinski
Šoŭmien, śpiavak. Paśla vybaraŭ byŭ vymušany źmianić Minsk na Kijeŭ i pracu ŭ «Dobraj ranicy, Biełaruś», što vychodziła na BT, na ŭkrainskuju ranišniuju pieradaču.
Alaksandr Vasilevič
Suzasnavalnik halerei «Ŭ», rekłamnych ahienctvaŭ Vondel/Hepta, vydaviec kyky.org i The Village. Jon pravioŭ u SIZA 17 miesiacaŭ. Za kratami Saša napisaŭ kazki dla svajoj maleńkaj dački.
Vital Hurkoŭ
Šmatrazovy čempijon śvietu i Jeŭropy pa kikboksinhu i tajskim boksie, udzielnik muzyčnaha hurta Brutto. Ciapier Hurkoŭ prymiaraje rolu treniera. Na apošni čempijanat śvietu pa muaj-taj jon rychtavaŭ spartoŭku sa zbornaj Ukrainy.
Čytajcie taksama:
Top-30 samych seksualnych biełaruskich mužčyn ad «Našaj Nivy»
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
-
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary