Čamu tyja, chto žyvie razam z chvorymi na kavid, nie zaŭsiody ad ich zaražajucca
Voś što ekśpierty kažuć pra vašy šansy atrymać kavid, kali vy žyviacie z chvorym na jaho čałaviekam.
Situacyja ŭ šmat u jakich siemjach: adny zaražajucca kavidam, a da inšych hety virus nie prystaje. Jak takoje mahčyma? I ci možna nie atrymać ad blizkich navat taki zarazny štam kavidu, jak amikron?
U pačatku pandemii navukoŭcy vyličyli, što prykładna 10—20% vypadkaŭ, kali chvory čałaviek žyvie razam sa zdarovymi, zakančvajucca novymi zaražeńniami. Inšyja daśledavańni dajuć ličby 25—30%, piša HuffPost.
Kali ŭźnik amikron — štam, našmat bolš zarazny za minułyja — hety pracent pavysiŭsia niedzie da 30%. Novy padvid amikrona, stełs-amikron, pieradajecca jašče lahčej. U vypadku ź im bolš za 40% chatnich kantaktaŭ z chvorymi pryvodziać da novych zaražeńniaŭ.
Jość roznyja faktary, jakija ŭpłyvajuć na chatniuju pieradaču virusa. Naprykład, niekatoryja ludzi vydzialajuć bolš virusnych čaścinak, čym inšyja. Heta datyčyć u tym liku i ludziej z asłablenym imunitetam.
Taksama na toje, ci zarazicca čałaviek ad blizkaha, upłyvaje najaŭnaść u jaho antycieł. U vypadku, kali vy chvareli na bieśsimptomny kavid, vy možacie navat nie viedać, što takija antycieły ŭ vas jość — tym nie mienš, jany abaroniać vas ad novaj infiekcyi.
U lubym vypadku važna nie zabyvać pra prafiłaktyku. Kali doma jość chvory na kavid, varta izalavać jaho ad astatnich žycharoŭ, advieści jamu asobny pakoj. Kali ž heta niemahčyma, zdarovym treba zachoŭvać jak maha bolšuju dystancyju ad chvoraha. Dobra, kali kožny žychar budzie nasić vysakajakasnuju masku ci reśpiratar, jakija buduć ščylna prylahać da tvaru (naprykład, typu N95). Taksama miedyki rekamiendujuć pravietryvać dom jak maha čaściej, vykarystoŭvać filtry dla pavietra (naprykład, filtry NIERA) i pravodzić z chvorym jak maha mienš času ŭ adnym pamiaškańni.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary