Stała viadoma, pa jakoj spravie KDB zatrymaŭ amapaŭca Piestraka
U kastryčniku minułaha hoda «Naša Niva» paviedamlała pra dziŭnuju historyju, jak dziejny instruktar AMAP pa rukapašnym boi Eduard Piestrak znajšoŭsia ŭ SIZA KDB — jaho zatrymali kalehi na pracoŭnym miescy. Było viadoma tolki, što jon prachodzić pa artykule «Akt teraryzmu».
Čytajcie: Supracoŭnik minskaha AMAP znajšoŭsia ŭ «amierykancy»: jaho zatrymali pa artykule «Akt teraryzmu»
Jak stała viadoma ciapier, Piestrak zatrymany pa spravie ab hetak zvanym «padpale doma Hajdukieviča» — u lipieni ŭ dom taho, pavodle aficyjnaj viersii, kinuli «plašku z haručaj sumieśsiu».
Jak paźniej stała viadoma ź filma dziaržaŭnaj prapahandy, pa hetaj spravie była zatrymanaja taksama barysaŭskaja siamja Vajciachovičaŭ.
Čytajcie: Maci robić «nahatočki», syn słužyŭ u vojsku. Što viadoma pra siamju, jakuju vinavaciać u teraryźmie za napad na dom Hajdukieviča
Ahułam pa spravie ab padpale doma Hajdukieviča byli zatrymanyja 15 čałaviek. Jakaja rol Piestraka va ŭsim hetym — nieviadoma. Mahčyma, jon udzielničaŭ u niejkim čacie ci kansultavaŭ zatrymanych.
Što viadoma pra Piestraka
Eduard Piestrak naradziŭsia ŭ 1983 hodzie. U minskaj milicyi słužyŭ z 2007-ha. Słužbu pačynaŭ u Departamiencie achovy, z 2009-ha — u AMAP, spačatku kiroŭcam, potym načalnikam adździaleńnia, potym — inśpiektaram pa prafiesijnaj padrychtoŭcy.
Sens raboty Piestraka zaklučaŭsia ŭ bajavoj padrychtoŭcy supracoŭnikaŭ. Sam jon zajmaŭsia rukapašnym bojem, kikboksinham, MMA.
Pavodle našych krynic, zatrymańnie adbyłosia na słužbie i ŭ im ŭdzielničali vučni Piestraka. Mužčynu zvolnili zadniaj dataj.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary